rKTs

e-texts navigator

Page

102a₁ ltar rab tu dbye'o// smras pa de ltar na de bzhin gshegs pa ci zhig mngon par rdzogs par sangs rgyas// smras pa 'jam dpal de ltar na de bzhin gshegs pas chos thams cad kyi rang bzhin dang ngo bo nyid
102a₂ kyis ji lta ba bzhin du mngon par rdzogs par sangs rgyas shing / mngon par rtogs te/ de'i phyir yang dag par rdzogs pa'i sangs rgyas shes bya'o// de nas bcom ldan 'das la bram ze shing sa la chen po lta bu'i bu mnyam
102a₃ par gnas kyis 'di skad ces gsol to// bcom ldan 'das ji ltar na byang chub sems dpa' rnams theg pa chen po la yang dag par zhugs par bgyi// de nas bcom ldan 'das kyis/ de'i tshe tshigs su bcad pa
102a₄ 'di dag gsungs so// mkhas pa de dag gzugs gzhig phyir/ byang chub tu ni ma zhugs te/ gzugs bzhin byang chub de bzhin zhes// mkhas pa dag ni de ltar 'jug/ de bzhin nyid kyis phye bas na// gzugs
102a₅ ltar byang chub de bzhin te/ mkhas mchog de dag byang chub la/ yongs su dbye bar myi 'jug ste// byang chub don ni dbyer myed de/ don la byang chub myi dmyigs so// don dam 'di la gang brtson
102a₆ ba// de dag byang chub nyid la zhugs// phung po dang ni khams rna mas dang // skye mched dag la byang chub tshol// byang chub de'i rang ba zhin te// de las gud na byang chub myed// chos rnams rab dang
102a₇ pha ma dang // bar ma nam zhig myi 'dzind cing // gang yang 'dor bar myi byed pa// de tshe byang chub yang dag zhugs// nam zhig chos dang chos ma yin// gnyis su de dag khas myi len// gnyis su gyurd pa yang ma
102a₈ yin/ de dag byang chub rab tu zhugs// 'dus ma byas ni gnyis su myed// 'dus byas dag ni gnyis myed na// 'di gnyis mtha' ste rnam par spangs// byang chub spyad pa de dag spyod// so so'i skyelas rab
102a₉ 'das la// myi 'gyur ba la myi gnas shing // 'bras bu ma thos 'phags pa rnams// de dag 'jig rten sbyin 'os yin// 'jig rten chos rnams kun blta zhing // 'jig rten na yang pad ma bzhin//

_{iiif viewer powered by OpenSeadragon}

101b - 102b

Texts on this page