| e-texts navigator |
| བོད་ཡིག |
241a1 dag par rdzogs pa'i byang chub tu sems bskyed do// srog chags khri drug stong gis bzod pa rab tu thob par 'gyur ro// de nas de'i tshe bcom ldan 'das kyis tshigs su bcad pa 'di dag gsungs so// chos
241a2 kun nges par rtogs pa'i byang chub sems ni sgrogs par byed// de tshe des rtogs ye shes kyis// chos rnams kun la chags pa myed// zab mo'i chos rnams khong du chud// mkhas pa skrag par 'gyur ba myed// skrag
241a3 myed kun tu 'jigs myed pas// khyad par 'phags par 'gyur ba yin// rgyu la dmyigs pa'i tshul gyis ni// brten pa'i chos rnams khong du chud// shes rab ldan te rjes mthun byed// mthar lta ba ni myi 'dzin to//
241a4 rtag pa dang ni chad pa la// blo ni rtogs pa yod ma yin// yang dag mtha' ni bsam yas pa'i// dbu ma'i mtha'i ni rtogs par 'gyur// bdag gis mtha'i rang bzhin gis// chos rnams par
241a5 myed ngo bo nyid// chos kun de'i rang bzhin te// gdod nas ma skyes 'gag pa myed// skyes pa myed cing byung ba myed// stong pa/ gzung myed dri ma myed// mtshan ma myed cing smos pa myed// ni
241a6 mkha' dang ni mtshungs shing 'dra// de dag sems kyi myi smod par// 'dod cing chags pa rnam par spangs// gzugs kyi rang bzhin mngon gsum du// lbu ba lta bur rab tu shes// tshor ba chu bur 'dra ba ste/
241a7 'du shes smyig rgyu mtshan nyid do// 'du byed chu shing snying po 'dra// rnam par shes pa sgyu ma 'dra// khams gzhi g.yo ba myed pa ste// nam mkha' mtshungs pa'i khams yin no// gang dag skye mched thams cad ni//
241a8 bems po phan tshun gyod yul lo// sems ni nang na ma yin te// phyi rol tu yang myi dmyigs so// yid la ra'i yod ma yin// rnam par shes pa gnas pa myed// chos rnams yid la myi byed de// lhag par
241a9 byed pa rnam par spong // chos rnams thams cad mnyam nyid du// yang dag nyid du khong du chud// tha dad myed cing ro gcig ste// gcig bu bgrod lam mnyam pa nyid// laM gi shes pa rab tu rtogs// des bI//
iiif viewer powered by OpenSeadragon
Texts on this page
Ng4.3 - 'phags pa blo gros rgya mtshos zhus pa zhes bya ba'i theg pa chen po'i mdo