rKTs

e-texts navigator

Page

301a₁ de nas 'khor de'i nang nas lha dang / myi dang / skye dku'i srog chags bye ba phrag dku bcu rtsa drug gis mgrin gcig tu smras pa/ kang dag ma byon pa de dag dang / gang dag da ltar bzhugs
301a₂ pa 'tsho zhing gzhes pa de dag dang / phyogs bcu na gang dag yongs su mya ngan las 'das pa'i de bzhin gshegs pa de dag la phyar/ 'tshal lo// de dag gi mtshan gang lags pa de dag la yang rjes su yi rang ngo // tshig
301a₃ 'di skad ces kyang smras te/ bcom ldan 'das bdag cag lhan cig 'tshogs pa thams cad bla na myed pa yang dag par rdzogs pa'i byang chub tu sems bskyed par bgyi'o zhes smras so// de dag kyang bcom ldan 'das
301a₄ kyis bla na myed pa yang dag par rdzogs pa'i byang chub tu lung bstan to// srog chags bye ba khrag khrig stong phrag brgya bcu rtsa bzhi ni chos rnams la chos kyi myig rdul myed cing dri ma dang bral ba rnams
301a₅ par dag go// dge slong bdun stong ni lend pa myed par zag/ pa rnams las sems rnam par grol lo// de nas de'i tshe bya chub sems dpa' sems dpa' chen po spyan ras gzigs dbang
301a₆ phyug dang / byang chub sems dpa' sems dpa' chen po mthu chen thob kyis ji lta bu'i rdzu 'phrul mngon par 'du bya ba mngon par byas pas/ thams cad dang ldan pa'i 'khor gis phyogs bcu
301a₇ na/ bcom ldan 'das dpag tu byed grangs myed pa dag gis/ bla na myed pa yang dag par rdzogs pa'i byang chub tu lung ston pa pa mthong ba/ de lta bu'i rdzu 'phrul mngon par 'du bya ba mngon par 'du byas so//
301a₈ mthong nas kyang tshig 'di skad 'dzind to// bcom ldan 'das ci tsam du byang chub sems dpa' sems dpa' chen po 'di gnyis/ sangs rgyas bcom ldan 'das dag gis legs par yongs su bzung ba las
301a₉ ste/ 'di ltar skyes bu dam pa 'di gnyis sangs rgyas bcom ldan 'das 'di snyed cig gis lung stond pa ni/ ngo mtshard to// de nas bcom ldan 'das la byang chub sems dpa' pad ma'i dpal ki snying pos

_{iiif viewer powered by OpenSeadragon}

300b - 301b

Texts on this page