rKTs

e-texts navigator

Volume

Page

148b₁ thob par 'gyur/mi dga' ba dang du len pa'i byin pas ni 'khor snying nye bar 'gyur/zas byin pas ni stobs dang ldan par 'gyur/skom byin pas ni skom pa med par 'gyur//
148b₂ gros byin pas ni kha dog dang ldan par 'gyur/mar me byin pas ni mig dang ldan par 'gyur/rol mo'i sgra byin pas ni rna ba nyams pa med par 'gyur/bzhon pa byin pas ni
148b₃ bde ba dang ldan par 'gyur/sman byin pas ni nad nyung bar 'gyur/me tog byin pas ni gzhan gyis mchod par 'gyur/me tog phreng byin pas ni gzhan gyis rim gro byo bar 'gyur//
148b₄ bstod pa byin pas ni tshangs pa'i dbyangs dang ldan par 'gyur/stan byin pas ni bla ma'i gnas thob par 'gyur/bzhin pa byin pas ni rdzu 'phrul dang ldan par 'gyur/byug pa byin pas
148b₅ ni rma med par 'gyur/phyag dar bya ba byin pas ni rdul dang bral bar 'gyur/dril bu byin pas ni tshe rab dran par 'gyur/gnas byin pas na thams cad byin par 'gyur/chos byin
148b₆ pas ni bdud rtsi byin par 'gyur gyis bdag gis chos kyi sbyin pa byin par bya gor ma chag snyam mo//de sbyin pa de lta bu byin pa na chags pas sbyin par mi byed/sdang bas sbyin par mi byed/
148b₇ rmongs pas sbyin par mi byed/tshig pa za zhing sbyin par mi byed/brnyas bzhin du sbyin par mi byed/rdeg cing sbyin par mi byed de/tshar bcad de sbyin par mi byed/khyod du gsod cing

_{iiif viewer powered by OpenSeadragon}

148a - 149a

Texts on this page