rKTs

e-texts navigator

Volume

Page

227a₁ lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa tshogs kyi bdag po'i snying po rdzogs s+ho// //
227a₂ rgya gar skad du/ shrI ma hA kA la nA ma d+ha ra NI/ bod skad du/ dpal mgon po nag po zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa
227a₃ dus gcig na/ bcom ldan 'das rdo rje'i gdan la bdud btul te mngon par rdzogs par sangs rgyas nas ring po ma lon pa zhig na/ byang chub kyi shing drung la bzhugs so/ /bcom ldan 'das ga la ba de logs su lha'i sde dpon chen po tshogs
227a₄ kyi bdag po ma hA kA la 'dod pa'i khams kyi dbang phyug la dbang bsgyur ba dpal mgon po nag po chen pos/ bcom ldan 'das kyi zhabs la mgo bos phyag 'tshal te/ phyogs gcig tu 'dug nas 'di skad ces gsol to/ /btsun pa
227a₅ bcom ldan 'das bdag gi rig pa 'di 'bul gyis bzhes su gsol/ oM shrI ma hA kA la g+ha Na g+ha Na Ti swA hA/ na maHshrI ma hA kA la ga Ni gu ti shwa ya/ na mo yo ke na Ni na/ tad+ya thA/ o~M` hi le hi le/ ki te ke te ni/ tsid de tsid de ni swA hA/
227a₆ 'di bton pas nad thams cad dang / rims thams cad dang / gdon thams cad dang / mi ngas thams cad dang / 'byung po thams cad dang / nyes par bsgoms pa thams cad dang / nyes par bltas pa rnams steng du gzhan 'phrul dbang
227a₇ byed la thug pa man chad bcing ngo / /'og tu ni sems can dmyal ba la thug pa yan chad bcing ngo / /thad ka kho ra khor yug tu ni ri la thug pa tshun chad bcing ngo / /gzhan yang gtsug lag khang dang dkyil 'khor gyi srung ma/ dug gsum nad kyi sman
227a₈ pa/ rig 'dzin yongs kyi srog shing / rnal 'byor gyi dgra bla/ bdud 'dul rnams kyi dbang phyug /srin po lang ka pu ri'i grong khyer gtan nas rlog pa/ gnod sbyin gyi bu mo nam mkha'i glog ma sprin rdul du rlog pa/

_{iiif viewer powered by OpenSeadragon}

226b - 227b

Texts on this page