rKTs

e-texts navigator

Volume

Page

223b₁ pa ltar kun dga' bo la reg pa yang de dang 'dra'o/ /kun dga' bo ma 'jigs shig /bdag cag gis khyod khri'i steng du bzhag ste/ de bzhin gshegs pa'i drung du bkur ro/ /bcom ldan 'das de khyod la yongs su skyob pa mdzad par 'gyur ro/ /
223b₂ de nas tshe dang ldan pa shA ri'i bu dang / tshe dang ldan pa maud gal gyi bu chen pos tshe dang ldan pa kun dga' bo nyal khri'i steng du bzhags nas/ bcom ldan 'das ga la ba der song ste phyin nas bcom ldan 'das kyi drung du bzhag go/ de nas bcom ldan 'das kyis
223b₃ tshe dang ldan pa kun dga' bo la bka' stsal pa/ kun dga' bo khyod ci sdug bsngal mi bzad pa drag pa tsha ba'i tshor bas thebs sam/ btsun pa bcom ldan 'das de lta lags so/ /kun dga' bo khyod de'i phyir legs par rab tu nyon la yid la zung shig dang
223b₄ bshad do/ /kun dga' bo khyod la reg pa'i ro langs chen po stobs che ba/ gdul dka' ba/ mthong na gnod pa bdun yod de/ bdun gang zhe na/ 'di lta ste/ phreng ba 'dzin ces bya ba dang / nor bu 'dzin dang / gtum po dang / gdol pa dang / rma bya'i snying dang / tshe zad
223b₅ dang / la ba can te/ ro langs chen po bdun po de dag ni stobs che ba/ gdul dka' ba/ bsnyen par dka' ba/ rdzu 'phrul che ba/ mthu che ba'o/ /kun dga' bo ro langs re res kyang 'dod na rkang pa g.yon pa'i mthe bos ri'i rgyal po ri rab kyang 'phen to/ /
223b₆ ri'i rgyal po ri rab yungs 'bru tsam du rnam par 'jig go/ steng du bltas nas 'ges par byed do/ /phyogs su bltas na 'chi bar 'gyur ro/ /phyogs mtshams su bltas na mes sreg par byed do/ /de dag gis khyod la reg go/ de lta mod kyi de bzhin
223b₇ gshegs pa'i mthu dang / chos thos pa'i gus pa dang / de bzhin gshegs pa'i byin gyi brlabs kyis da dung du khyod kyi lus 'tsho ba yin no/ /bcom ldan 'das legs par bsal du gsol/ phyir bzlog tu gsol/ phyag rgya bcing du gsol/
223b₈ skud pas bcing du gsol/ kun dga' bo de'i phyir legs par rab tu nyon la yid la zung shig dang bstan par bya'o/ /tad+ya thA/ ha ra/ ma hA gA re/ g+ha sa ra ba ti/ d+ha ra d+ha ri/ d+ha ra Ni/ tsho ra tsho ra/ Ni ka ro ti ti/ kod ta sa mA d+hi ni/ sa ma ra sa ra Ni/

_{iiif viewer powered by OpenSeadragon}

223a - 224a

Texts on this page