| e-texts navigator |
| བོད་ཡིག |
199b1 do/ /de'i tshe stong gsum gyi stong chen po'i klu'i bdag po chen po phyir mi ldog pa'i smon lam gyi stobs can g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal po zhes bya ba de bzhin gshegs pa la mchod pa dang /
199b2 phyag bya ba dang / bsnyen bkur bya ba dang / chos mnyan pa'i phyir 'dzam bu'i gling 'dir 'ongs so/ /de nas klu'i bdag po g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal po stan las langs te/
199b3 bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gal te zhus nas zhu ba lung bstan
199b4 pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis
199b5 klu'i bdag po g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal po la 'di skad ces bka' stsal to/ /klu'i bdag po ci dang ci 'dod pa dris shig dang / dris pa de dang de'i lung bstan pas khyod kyi sems
199b6 rangs par bya'o/ /de skad ces bka' stsal pa dang / bcom ldan 'das la klu'i bdag po g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal pos 'di skad ces gsol to/ /bcom ldan 'das ji ltar
199b7 na klu thams cad kyi klu'i sdug bsngal thams cad rgyun chad par 'gyur/ bde ba thams cad dang ldan pa dang rab tu dga' bar 'gyur/ 'dzam bu'i gling 'dir dus dus su char gyi rgyun 'bebs par 'gyur/ rtswa dang shing gel pa dang sman dang nags
199b8 tshal thams cad 'khrung bar 'gyur/ 'bru thams cad skye bar 'gyur/ bcud thams cad yang dag par skye bar 'gyur/ gang gis 'dzam bu'i gling gi mi rnams bde ba dang ldan par 'gyur/ de skad ces gsol pa dang / bcom ldan 'das kyis
iiif viewer powered by OpenSeadragon
Texts on this page
J962 - 'phags pa sprin chen po