| e-texts navigator |
| བོད་ཡིག |
83b1 gnyen dag kyang / /log par ltung bar mi 'gyur ro/ /de phyir gzungs sngags mdo sde 'di/ /'jigs med gang gis thos gyur nas/ /gzungs sngags 'di rjod byed pa des/ /nams kyang 'jigs par mi bya'o/ /gzungs
83b2 sngags 'di 'dzin byed de yis/ /bskal pa bye ba stong rnams su/ /sgrib pa'i las ni gang byas pa/ /zhag bdun gyis ni byang bar 'gyur/ /byang chub sems dpa'i bsod nams gang / /bskal pa bye bar bsgrubs pa kun/ /
83b3 gzungs sngags 'di 'dzin byed pa des/ /zhag bdun gyis ni zil gyis non/ /phyogs bzhi'i 'jig rten skyong ba po/ /rgyal po chen po bzhi po dag /lus ngan dang ni yul 'khor srung / /mig mi bzang dang 'phags skyes po/ /kha
83b4 dog ldan zhing grags dang ldan/ /'khor bcas blon bcas de dag kyang / /gzungs sngags 'di ni rjod byed pa/ /de la rtag tu srung bar byed/ /bcom ldan 'das kyis de skad ces bka' stsal nas/ tshe dang ldan pa kun dga' bo
83b5 dang nyan thos chen po de dag dang / 'phags pa byams pa dang / 'jam dpal la sogs pa byang chub sems dpa' sems dpa' chen po rnams dang / rgyal po chen po bzhi dang lha dang mi dang lha ma yin dang dri zar bcas
83b6 pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa rig sngags kyi rgyal po sgron ma mchog gi gzungs rdzogs so// // skar ma zhus//
83b7 // @#/ /rgya gar skad du/ Ar+ya a b+hi ShIny+tsa ni nA ma d+hA ra NI/ bod skad du/ 'phags pa dbang bskur ba zhes bya ba'i gzungs/ sangs rgyas dang byang chub sems dpa' thams cad la phyag
83b8 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong brgyad stong gi dge 'dun chen po dang /
iiif viewer powered by OpenSeadragon
Texts on this page
J776 - 'phags pa rig sngags kyi rgyal po sgron ma mchog gi gzungs
J777 - 'phags pa dbang bskur ba zhes bya ba'i gzungs