| e-texts navigator |
| བོད་ཡིག |
126a1 gi nad dang / phyugs nad dang / dud 'gro'i skye gnas rnam pa mang po gzhan dag gi nad dang / skyes pa dang / bud med dang / khye'u dang / bu mo'i nad kyis kyang nam yang mi tshugs par 'gyur/ dus ma yin par 'chi bas kyang
126a2 dus ma yin par 'chi bar mi 'gyur/ dug gis ma yin/ mtshon gyis ma yin zhing / me dang chus kyang nam yang mi tshugs par 'gyur/ pha rol gyi dmag tshogs kyi 'jigs pas ma yin/ lo nyes kyi 'jigs pas kyang nam
126a3 yang mi tshugs par 'gyur/ rgyal po chen po'i dmag gi 'jigs pa yang mi 'byung bar 'gyur ro/ /rgyal po chen po bzhi yang rtag tu rgyun mi 'chad par srung bar 'gyur ro/ sa phyogs der srung bar byed/ yongs su skyong bar
126a4 byed do/ /gnod sbyin gyi sde dpon chen po nyi shu rtsa brgyad po de dag kyang rtag tu rgyun mi 'chad par srung ba dang / skyob pa dang / sbed pa byed par 'gyur ro/ /rgyu skar nyi shu rtsa brgyad dang / zla ba dang / nyi ma dang / mjug rings chen
126a5 po yang nyin mtshan 'thun par byed par 'gyur ro/ /klu'i rgyal po thams cad kyang rtag tu rgyun mi 'chad par mdangs mi 'phrog cing / legs pa kho nar char gyi rgyun 'bebs par 'gyur ro/ /lha thams cad kyang
126a6 mchod rten chen po de la phyag 'tshal ba dang / bkur sti bya ba dang / mchod pa bya ba'i phyir gnas sum cu rtsa gnyis nas dus gsum du 'ong ngo / /yul na gnas pa thams cad kyang mchod rten dang gzugs brnyan
126a7 de'i drung du dus gsum du 'ong ngo / /bstod par byed/ bskor ba byed par 'gyur ro/ /lha rnams kyi dbang po brgya byin kyang lha'i bu mo dang / lha'i tshogs rnams dang lhan cig tu rgyun mi 'chad par mchod rten nam gzugs brnyan
126a8 de'i drung du nyin mtshan dus gsum du 'ong ste/ phyag 'tshal ba dang / mchod pa la 'ong ngo / /de bzhin gshegs pa thams cad kyang rtag par dgongs pa dang / byin gyis rlob cing bzhugs so/ /mchod rten dang gzugs brnyan
iiif viewer powered by OpenSeadragon
Texts on this page
J801 - 'phags pa de bzhin gshegs pa thams cad kyi byin gyis rlabs kyi snying po gsang ba ring bsrel gyi za ma tog ces bya ba'i gzungs theg pa chen po'i mdo