rKTs

e-texts navigator

Volume

Page

125b₁ cad dang / chos kyi rnam grangs 'di'i mthu dang / byin gyi brlabs dang / bden pa dang / dam tshig byang chub kyi snying po la thug gi bar du byin gyis brlabs par 'gyur ro/ /sems can gang dag mchod rten de la phu dud dang / sti stang byed
125b₂ pa de dag nges par phyir mi ldog par 'gyur zhing / bla na med pa yang dag par rdzogs pa'i byang chub mngon bar rdzogs par 'tshang rgya bar 'gyur ro/ /phyag 'tshal ba gcig dang / bskor ba gcig gis mnar med pa la thug pa la
125b₃ sogs pa rnams las yongs su thar bar 'gyur zhing / bla na med pa yang dag par rdzogs pa'i byang chub las phyir mi ldog par 'gyur ro/ /gnas gang na mchod rten nam/ gzugs brnyan 'di lta bu gnas pa'i sa phyogs
125b₄ de yang de bzhin gshegs pa thams cad kyis byin gyis brlabs par 'gyur ro/ /phyogs der klu mi srun pas kyang mi tshugs par 'gyur/ sad dang ser bas kyang mi tshugs par 'gyur/ gnas der srog chags mi srun pa'am/
125b₅ gdug pas kyang mi tshugs par 'gyur/ gcan zan gyis mi tshugs par 'gyur/ bya mi srun pa dang / ne tso dang / ri skegs dang / byi ba dang / sre mo dang / sha sbrang dang / sbrang bu dang / bye ba dang / sbrang ma mchu gsum pa dang /
125b₆ mchu rings dang / rta bla ba'i 'jigs pa yang mi 'byung bar 'gyur/ sbrul gdug pas tshugs par mi 'gyur ro/ /phyogs der yams kyi nad dang / nad 'go ba dang / 'khrug pa yang mi 'byung bar 'gyur/ gnod sbyin dang /
125b₇ srin po dang / 'byung po dang / yi dags dang / 'dre dang / rjed byed kyi 'jigs pa yang mi 'byung bar 'gyur/ gdon thams cad kyis kyang mi tshugs par 'gyur/ rims thams cad kyis kyang mi tshugs par 'gyur/ nad thams
125b₈ cad dang / 'bras dang / phol mig dang / lhog pa dang / mtshan bar rdol ba dang / rkang shu dang / g.yan pa dang / mdzes kyang mi tshugs par 'gyur zhing mchod rten mthong ba tsam gyis thams cad 'byang bar 'gyur ro/ /phyogs der ba lang

_{iiif viewer powered by OpenSeadragon}

125a - 126a

Texts on this page