| e-texts navigator |
| བོད་ཡིག |
123a1 zhes bya ba'i sgra byung ngo / /de bzhin gshegs pa shAkya thub pa legs so legs so/ /deng ni de bzhin gshegs pa'i ltas bzang po'o/ /bram ze chen po de bzhin gshegs pa spyan drangs pa ni yang khyod legs so/ /
123a2 deng khyod la don chen po mdzad par 'gyur ro/ /de nas bcom ldan 'das de bzhin gshegs pas mchod rten rnying pa phyag dar gyi phung po lta bu de la yan lag lngas phyag mdzad nas lan gsum bskor ba mdzad nas nyid kyi sku las na
123a3 bza' bsil nas mchod rten rnying ba phyag dar gyi phung po lta bu de la gsol te/ bcom ldan 'das kyis mchi ma byung ba chen po phyung bas bshums pa mdzad nas/ bcom ldan 'das kyis 'dzum pa bstan te/ 'dzum pa bstan pa des
123a4 phyogs bcu'i de bzhin gshegs pa thams cad lag mthil na bzhugs pa bzhin du mthong ngo / /de bzhin gshegs pa thams cad kyang spyan mchi mas gang zhing bzhugs so/ /de bzhin gshegs pa de dag thams cad kyis
123a5 kyang 'od zer bkye ste/ mchod rten rnying pa'i phung po chen po der zhugs so/ /de nas 'khor mang po 'dus pa de dag ya mtshan chen por gyur cing yi chad de 'khod par gyur to/ /de nas gnod sbyin gyi sde dpon chen po lag na rdo rje lus ni 'dar/
123a6 snying ni 'gul/ rdo rje ni gsor zhing / rings pa rings par bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom
123a7 ldan 'das bshums pa'i snga ltas chen po gda' ba gang gis na/ bcom ldan 'das kyi spyan mchi mas gang ba bstan pa'i snga ltas gda' ba bcom ldan 'das ci lags/ ci'i slad du bcom ldan 'das kyis 'khor 'di'i nang du
123a8 zhu ba 'di skabs dbye bar ci gnang / de nas bcom ldan 'das kyis gnod sbyin gyi sde dpon chen po lag na rdo rje la 'di skad ces bka' stsal to/ /lag na rdo rje ring bsrel gyi phung po de bzhin gshegs pa'i mchod rten de bzhin
iiif viewer powered by OpenSeadragon
Texts on this page
J801 - 'phags pa de bzhin gshegs pa thams cad kyi byin gyis rlabs kyi snying po gsang ba ring bsrel gyi za ma tog ces bya ba'i gzungs theg pa chen po'i mdo