| e-texts navigator |
| བོད་ཡིག |
122a1 sa la chen po lta bu mkhas pa/ 'dzangs pa/ gsal ba/ yid gzhungs pa/ mthong na dga' ba/ dge ba bcu'i las kyi lam yongs su bzung ba dri med legs snang zhes bya ba zhig yod de/ de yang gcig tu dkon mchog
122a2 gsum la dad cing gus la phyag byed pa'i dge ba'i bsam pa dang ldan pa/ zhib mo brtags pa/ sems can thams cad dang dge ba'i don la brtson pa/ nor che ba/ longs spyod che ba/ phyug pa/ rdzas mang ba/ yo byad phun
122a3 sum tshogs pa yin no/ /de nas bram ze chen po dri med legs snang bcom ldan 'das ga la der song ste phyin nas/ bcom ldan 'das la lan bdun bskor ba byas nas/ bcom ldan 'das la me tog dang / bdug
122a4 pas mngon bar mchod do/ /na bza' rin 'bum ri ba yang gsol/ bcom ldan 'das la mu tig gi do shal 'bum ri ba yang gsol nas zhabs gnyis la mgo bos phyag 'tshal te/ bcom ldan 'das kyi spyan
122a5 sngar 'dug nas bcom ldan 'das la 'di skad ces gsol to/ /bcom ldan 'das sras tshogs kyi 'khor dang bcas pa bdag gi sdum par gdugs tshod la spyan 'dren na/ de'i slad du bcom ldan 'das kyis
122a6 gnang bar mdzad par ci gnang / de nas bcom ldan 'das kyis bram ze chen po dri med legs snang gis spyan drangs par thugs su chud nas cang mi gsung bar gyur pas gnang ngo / /de nas bram ze chen po dri med legs snang
122a7 bcom ldan 'das kyi spyan snga nas cang mi gsung bas gnang bar rig nas de rings pa rings par rang gi khyim du song ste/ de nyid kyi mtshan mo 'das pa dang / zhal zas dang / yo byad dang / zhal zas ro brgya pa mang po bshams
122a8 nas bkod pa chen pos bkra shis kyi gzhal med khang chen po dang / gzhal med khang chen po sna tshogs dang / me tog dang / bdug pa khyer te/ 'khor mang po dang / sil snyan dang / pheg rdob pas bcom ldan 'das ga la ba der
iiif viewer powered by OpenSeadragon
Texts on this page
J801 - 'phags pa de bzhin gshegs pa thams cad kyi byin gyis rlabs kyi snying po gsang ba ring bsrel gyi za ma tog ces bya ba'i gzungs theg pa chen po'i mdo