| e-texts navigator |
| བོད་ཡིག |
170a1 rdo rje 'dzin pa nyid du 'gyur/ /des na rigs su nges pa yis/ /dang por 'jug pa'i rim pa bstan/ /rtsa ba yan lag kun theb nas/ /rim pa bzhin du dbang bskur ro/ /de nas bla ma'i bka' mnos la/ /
170a2 'dod pa'i dngos grub bsgrub par bya/ /rdo rje sems dpa'i sgyu 'phrul dra ba gsang ba'i me long gi rgyud las dbang bskur ba ma lus pa bshad pa'i le'u ste bdun pa'o// // de nas gzhan yang bshad bya ba/ /rdo rje dam tshig bla na med/ /
170a3 sdom pa brtan po dam bcas pa/ /'di dag legs par bshad par bya/ /dus gsum sangs rgyas thams cad kyis/ /'das dang ma byon dus gsum du/ /rgyal khrims tha tshigs bkas bcad ltar/ /rim pas dmod bor bkas
170a4 bcad pa'i/ /byin brlabs rang bzhin 'da' dka' ba/ /kun gyis bsrung bya yin par bshad/ /gang phyir dam pas byin brlabs pa'i/ /dam tshig chen po 'di nyid la/ /'das dang da ltar ma byon pa'i/ /rgyal ba sras dang
170a5 bcas pa dang / /rig 'dzin rnams dang mkha' 'gro dang / /lha rnams dang ni mi rnams dang / /klu dang mi min 'byung po'i tshogs/ /rdzu 'phrul ldan pa'i lha chen kyang / /dam pa 'das pas 'tshig par 'gyur/ /
170a6 dam pa nyid kyi rang bzhin 'di/ /rgyal ba kun gyi dgongs pa la/ /sgra bzhin spyod pa'i gang zag rnams/ /log par spyad pas tshig par 'gyur/ /dam pa rnams kyis bkas bcad cing / /byin brlabs dmod
170a7 por rang bzhin grub/ /dam pa 'di las gang 'da' ba/ /rdo rje can yang tshig par 'gyur/ /dam pa rnams kyi dgongs pa la/ /dbang dang byin brlabs thob pa yis/ /dam pa'i tshul bzhin nges spyad na/ /
170a8 mi mthun phyogs rnams 'tshig par 'gyur/ /de phyir dus gsum sangs rgyas kyis/ /dam tshig ces ni rnam par bsgrags/ /bla na med pa'i dam tshig ni/ /ma lus rang rig byang chub sems/ /
iiif viewer powered by OpenSeadragon
Texts on this page
J751 - rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud