rKTs

e-texts navigator

Volume

Page

147b₁ mtshan med la sogs gang yang min/ /dngos dang dngos med las 'das pa'i/ /de bzhin nyid dbyings ye shes te/ /rig pa skye ba med pa'i ngang / /'di nyid gsal bar bsgom par bya/ /oM d+harma d+hA tu swa b+hA ba At+ma kou0f85ha~M/ skyes dang ma skyes la sogs pa'i/ /
147b₂ tha snyad ming la mi gnas shing / /blo yi sbyor ba las 'das pas/ /'di ni de bzhin nyid ces bshad/ /'di la rim pa med pa ste/ /skyes bu mchog gi yul du gsungs/ /ma lus rang rig rdo rje nyid/ /khyab pa'i tshul gyis nam mkha' ste/ /
147b₃ rnam dag rang bzhin 'od gsal ba/ /dam pa'i ting 'dzin chen po nyid/ /gang gis ma lus mngon gsal nas/ /phyi nang chos rnams thams cad kun/ /goms nas spros med de bzhin nyid/ /de dag ting 'dzin thun mong nyid/ /mi shigs
147b₄ thig le dngas ma'i bdag / bzhi 'dus lnga bdag gnyis su med/ /rtsa bcud thig ler bcas pa nyid/ /thabs dang bcas pa'i ting 'dzin gyis/ /ye shes lnga yi ro dang bcas/ /bde chen skye ba med pa'i don/ /zag med khyab pa mngon du smin/ /
147b₅ ye shes nas mkha'i gzugs can nyid/ /phyi nang med pa'i rang byung ste/ /gsal dang bde ba'i rang bzhin can/ /thabs dang thig les dbang bsgyur nas/ /lus can kun la gsal bar skye/ /gnas bzhi 'byung ba'i dngas ma nyid/ /rten can brten
147b₆ par bcas pa nyid/ /rang 'byung thig le bde ba nyid/ /phyogs cha med par gsal khyab pas/ /bde ba chen po'i lus su 'gyur/ /rang byung snying po dngas ma'i lus/ /'byung ba zag med snying por thim/ /thig le spros pa med pa ste/ /thams
147b₇ cad ma lus khyab par snang / /rang lus rtsa bcud phyi nang kun/ /snyigs ma dngas mar smin byas te/ /dngas ma ye shes snying por gsal/ /de nyid rgyu ba med pa yi/ /rang 'byung thig le spros pa med/ /dngas ma zag med stobs las snang / /
147b₈ gang phyir skyes dang sprul pa dang / /brtags pa'i gzungs ma las byung ba/ /dbang po gnyis ni bsrubs pa las/ /skad cig bcu drug mtha' yi tshe/ /nyi zla 'dres pa'i gar thabs las/ /dngos po lhan cig skyes pa gsal/ /

_{iiif viewer powered by OpenSeadragon}

147a - 148a

Texts on this page