| e-texts navigator |
| བོད་ཡིག |
99b1 gsal ba zhes bya ba ni gang mi shes pa las gzhan gang gis kyang ma bsgribs pa'o/ /gsang ba zhes bya ba ni smrar byed pa spyod yul du ma gyur pa la bya'o/ /sngags shes bya ba ni yon tan gyi 'byung gnas
99b2 su brjod pa la bya'o/ /ngo bo nyid ces bya ba'i ni dngos po med pa mi dmigs pa kun 'byung ba'i gzhi la bya'o/ /ji bzhin pa zhes bya ba ni ma bcos ma slad pa la bya'o/ /de bzhin pa zhes bya ba ni ma byas ma btags pa la bya'o/ /
99b3 de kho na nyid ces bya ba ni ma nor mi 'gyur ba la bya'o/ /yang lang ka'i bdag pos dris pa/ gsang ba pa'i bdag po ma byas ma bcos pa zhes bya ba ni gang / sna tshogs 'byung ba zhes bya ba ni ji lta bu gsang ba pa'i bdag pos
99b4 smras pa/ lang ka'i bdag po byed pa po med la bya bas btsal du med pa'i phyir ma byas pa'o/ /gzhi ji bzhin pa'i phyir ma bcos pa'o/ /gang med pa las rgyun du 'byung zhing yul tha dad la 'gro ba legs pa dang / nyes pa dang /
99b5 gnyis ga ma yin pa sna tshogs 'byung ba ste gang de nyid ni nam mkha' lta bu'o/ /de rgyun ni 'byung ba ste/ sprin dang khug rlangs dang 'ja' rlan la sogs pa lta bu'o/ /yang dris pa gsang ba pa'i bdag po de la ci'i phyir rdo rje
99b6 sems dpa' zhes bgyi/ smras pa lang ka'i bdag po de kho na nyid ji bzhin pa de ni thams cad nas thams cad du gnyen po med pa/ pho 'gyur med pa/ skye 'gags med pa/ de kho na nyid sems rang rig pa/ dgongs pa nges
99b7 par 'grel pa las cho 'phrul sna tshogs 'byung ba'i dngos po med pa nyid du bcom pa'i phyir rdo rje sems dpa' zhes bya'o/ /lang ka'i bdag po de la ni bla na med pa'i byang chub kyi sems zhes kyang bya'o/ /chos rnams
99b8 kyi chos nyid de bzhin nyid ces kyang bya'o/ /sems kyi stong pa nyid ces kyang bya'o/ /mtha' las 'das pa zhes kyang bya'o/ /dbu mar mi dmigs pa zhes kyang bya'o/ /sangs rgyas kun gyi dngos gzhi zhes kyang bya'o/ /sprul
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo