rKTs

e-texts navigator

Volume

Page

99a₁ longs spyod ni ji lta bsams pa bzhin du 'byung ba yang yod/ dka' bas 'byongs pa dang mi 'byongs pa yang yod/ kun kyang lung bstan pa thob pa sha stag go/ sangs rgyas rdo rje sems dpa'i mtshan gang gis thos
99a₂ pa des rgyal ba mang po la sngon du bya ba byas pa yin no/ /rdo rje sems dpa'i zhing khams nyid du nges par 'byung ba yin no/ /rgyal ba rnams kyis byin gyis brlabs pa yin no/ /theg pa chen por nges par 'byung ba dag yin
99a₃ no/ /mngon par shes pa dag dang ldan pa yin no/ /sangs rgyas kyi sras su nges pa dag yin no/ /lhag mthong gi mig dang ldan pa dag yin no/ /kye lang ka'i bdag po de'i phyir 'dzam bu'i gling gcig gi sangs rgyas nyag
99a₄ cig 'di mya ngan las 'das pa yin no/ /de bzhin du rdo rje sems dpa'i sprul pa'i sangs rgyas mtha' dag la mya ngan las 'das pa yang yod ma 'das pa yang yod do zhes smras pas lus kyi sems dpa' de yid yongs
99a₅ su rangs par gyur to/ /sangs rgyas kun gyi dgongs pa 'dus pa'i mdo chen po las rdo rje sems dpa'i cho 'phrul yongs su bkod pa'i le'u ste bdun pa'o// // de nas lang ka'i bdag pos dris pa/ gsang ba pa'i bdag
99a₆ po rdo rje sems dpa' zhes dngos gang la bgyi/ gsang ba pa'i bdag pos smras pa/ lang ka'i bdag po rdo rje sems dpa' ni sems kyi dkyil 'khor 'od gsal ba gsang sngags kyi ngo bo ji bzhin pa'i de kho na la bya'o/ /lang ka'i
99a₇ bdag pos dris pa/ kye gsang ba pa'i bdag po sems kyi dkyil 'khor zhes bgyi ba ni gang de bzhin du 'od gsal ba zhes bya ba dang / gsang sngags kyi ngo bo zhes bya ba ba dang / ji bzhin pa'i de bzhin pa de kho na nyid ces gang la bgyi/
99a₈ gsang ba pa'i bdag pos smras pa/ lang ka'i bdag po sems shes bya ba ni ma byas ma bcos sna tshogs su 'byung ba'o/ /dkyil 'khor zhes bya ba ni thig le gang yin pa nyid do/ /'od ces bya ba ni snang ba'o/ /

_{iiif viewer powered by OpenSeadragon}

98b - 99b

Texts on this page