| e-texts navigator |
| བོད་ཡིག |
94a1 ni sangs ba lta na/ sgron ma yongs su bkod pa na yang 'byung zhes pa ji lta ba bzhin du grags pa lags/ mi mjed kyi 'jig rten gyi khams 'dir da ltar yongs su 'das pa 'di sgron ma bkod pa zhes bya bar 'gyur ram/ 'das pa
94a2 'di yang mi mjed kyi 'jig rten gyi zhing khams 'di 'ba' zhig gi sgron ma sangs rgyas mya ngan las 'das sam/ 'on te 'jig rten gyi khams mtha' dag na zhing khams ji snyed pa'i sgron ma bkod pa'i sangs rgyas mya ngan las 'da'
94a3 bar 'gyur zhes dris pa las/ gsang ba pa'i bdag pos smras pa/ lang ka'i bdag po de ji snyam du sems/ 'di yang sgron ma zhes bya ste/ da ltar 'das pa ni zhing khams mtha' dag gi sangs rgyas lta zhog 'dzam bu'i gling bye
94a4 ba phrag sa ya'i sangs rgyas lta yang zhog / 'dzam bu'i gling gcig gi sangs rgyas gcig yongs su mya ngan las 'das par zungs shig /de ci'i phyir zhe na/ zhing khams 'di ni sprul pa'i sangs rgyas nyag gcig gi zhing khams yin
94a5 pa'i phyir ro/ /de bzhin du bsam gyis mi khyab pa'i sangs rgyas ji snyed pa 'jig rten gyi khams gzhal du med pa na sgron ma'i bya ba mdzad do/ /de dag ji lta ba de ltar sprul pa'i sangs rgyas rdul snyed kyang de bzhin
94a6 du blta'o/ /de nas lang ka'i mnga' bdag byang chub sems dpa' sems dpa' chen pos dris pa/ gsang ba pa'i bdag po mi mjed kyi zhing khams 'dzam bu'i gling gcig gi sprul pa'i sangs rgyas nyag gcig mya ngan las
94a7 'das pa 'di sangs rgyas gang gi sprul par yongs su gzung bar bgyi/ gsang ba pa'i bdag pos smras pa/ lang ka'i bdag po 'di ni rdo rje sems dpa'i sprul pa bsam gyis mi khyab pa las sprul pa cha cig 'ba' zhig kho nar zung
94a8 shig / smras pa/ gsang ba pa'i bdag po zhing khams 'dir shAkya thub pa zhes bya bar grags na 'di ji ltar yongs su shes par bgyi/ smras pa/ lang ka'i bdag po de ni rdo rje sems dpa'i sprul pa'i bla dgas 'ba' zhig go/
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo