rKTs

e-texts navigator

Volume

Page

93b₁ par thos pa/ /gang rmongs pa rnams kyi gdung ba sel cing sems can rnams kyi sems kyi dkyil 'khor gsal bar byed pa byang chub sems dpa' chen po rnams kyi blo gros dam pa'i mdzod/ /de bzhin gshegs
93b₂ pa rnams kyi dgongs pa de kho na nyid gsang ba dam pa phyin ci ma log pa yang dag pa'i lta ba/ sangs rgyas kun gyis bsngags pa/ theg pa chen po de 'degs pa'i yul tshad ma nub par gyur phan chad du 'byung bar 'gyur
93b₃ zhig gu zhes dris pa las/ gsang ba pa'i bdag pos smras pa/ lang ka'i bdag po ci ga 'di ji snyam du sems/ khyod mi shes sam/ yul tshad ma nyid kyis bka' stsal gyis kun dza ra chos kyi spun la bka' stsal pa
93b₄ 'di lta ste/ rig pa 'dzin pa khyod kyi dri ba 'di lta ste/ de kho na nyid gsang ba dam pa de ni gnas skabs gnyis dang bcur 'byung ba ste/ gang rmongs pa gdung ba sel ba na yang 'byung / gang 'jig rten gyi sgron ma yongs su
93b₅ bkod pa na yang 'byung / gang gis nges pa rnyed pa na yang 'byung / snying po byang chub nyid du nges pa na yang 'byung / dgongs pa nges par 'grel ba na yang 'byung / gdul bya skabs la bab pa'i ched na yang 'byung /
93b₆ byin gyis brlabs las snang ba na yang 'byung / brgyud pa thabs kyis grags pa na yang 'byung / gang gi ched du mdzad pa na yang 'byung / lung chen nges par bstan pa na yang 'byung / las rgyud yongs su gcod pa na yang
93b₇ 'byung / dgongs pa rnam par bgro ba na yang 'byung ste/ de dag ni thams cad dang thams cad nas thams cad du yongs su rnam par snang ngo / /snang bar gyur to/ /snang bar 'gyur ro zhes lung bstan pa gang du grogs
93b₈ pa mi shes sam zhes smras pa las/ lang ka'i bdag pos smras pa/ e ma'o gsang ba pa'i bdag po de ni bdag gis thos pa dam pa thos so/ /thos pa'i mchog thos so/ /gsang ba pa'i bdag po yongs su rmongs pa gdungs pa

_{iiif viewer powered by OpenSeadragon}

93a - 94a

Texts on this page