rKTs

e-texts navigator

Volume

Page

90b₁ blo gros dam pas nges bcad nas/ /theg chen cang shes de zhon te/ /mun snang gnyis kyi khams nas 'ongs/ /gcan 'phrang chu bo bzhi rgal te/ /sna tshogs lam bgrod kun btsal nas/ /dam pa rnams kyi lam du zhugs/ /sa dang rnam
90b₂ thar lam bgrod de/ /mya ngan 'das pa'i grong khyer bsnyags/ /nor bu rin chen rtsad bcad na/ /ma byung ma rnyed rang nyid kyi/ /chos nyid dbyings kyi khyim nas rnyed/ /rnyed pa nyid na rnyed med de/ /stor pa nyid na 'ang stor bral med/ /yod min med min
90b₃ stor rnyed med/ /gzhan nas ma byung rang 'byung bar/ /shes la rnyed btags ma shes la/ /stor zhes tha snyad btags par zad/ /yod dang stor dang rnyed pa'i dus/ /thog ma med pa'i dus nas so/ /de ltar chos nyid med pa la/ /sprul pa snang ba'i
90b₄ dus 'dir ni/ /mun snang gnyis kyi khams 'dir 'ongs/ /nga ni thabs kyi mnyan pa mkhan/ /'khor ba'i chu bo mtha' med las/ /srid gsum bsgral bar dam bcas kyis/ /thar par 'dod pa lam 'dir shog /nga ni thabs kyi mig
90b₅ mkhan te/ /'jig rten long ba dpag med rnams/ /ling thog bsal bar dam bcas kyis/ /gang zhig mthong 'dod lam 'dir shog /nga ni thabs kyi sman pa ste/ /grong khyer gsum gyi nad pa rnams/ /gcong rnying sbyar bar dam bcas kyis/ /gang
90b₆ zhig bde 'dod lam 'dir shog / nga ni thabs kyi sa mkhan te/ /'gro ba lam log lam stor rnams/ /ma nor khrid par dam bcas kyis/ /yang dag lam 'dod lam 'di shog /nga ni thugs rje spyan ras mkhan/ /'khor ba'i dgra dpung 'jigs
90b₇ pa las/ /thams cad bskyab par dam bcas kyis/ /'jigs dang bral 'dod lam 'dir shog /nga ni rdo rje rdzong chen te/ /'khor ba'i g.yul chen dmag dpung las/ /'gro ba'i 'khras sar dam bcas kyis/ /gang zhig mkhar 'dod lam 'dir
90b₈ shog / nga ni thabs kyi tshong dpon te/ /'dod pa rgya mtshos mi ngoms rnams/ /gter chen sbyin par dam bcas kyis/ /gang zhig gter 'dod lam 'dir shog /nga ni thabs kyi sgron ma ste/ /mun nag smag tu 'khyams pa rnams/ /mun nag

_{iiif viewer powered by OpenSeadragon}

90a - 91a

Texts on this page