| e-texts navigator |
| བོད་ཡིག |
8b1 bcud bsdus pa thams cad kun/ /byang chub sems kyi ngo bo ye nas yin/ /sems las ma gtogs pa yi chos rnams ni/ /nga las byung ba'i sangs rgyas lngar 'das la/ /kun byed rgyal po nga yis lung ma bstan/ /da ltar bzhugs dang slad
8b2 kyis byon pa la/ /kun byed rgyal po byang chub lung mi ston/ /zhes gsungs so/ /byang chub kyi sems kun byed rgyal po las rtsa ba gcig pa'i le'u ste drug pa'o// // de nas byang chub kyi sems kun byed rgyal pos nyid kyis byas pa las byung
8b3 ba'i chos rnam par dbye ba 'di gsungs so/ /kye sems dpa' chen po/ sems ni ji bzhin pa yi ngo bo ste/ /ji bzhin gnyis med bde ba chen po la/ /rnam pa kun ldan rnam pa yongs kyis med/ /spros bral nam mkha' bzhin du ye gnas la/ /dmigs pa'i yul
8b4 'das gcig ces bgrang du med/ /byang chub sems la bgrang zhing mtshon med na/ /sems kyis byas pa'i chos la rnam grangs byung / /sems kyis byas pa gang dang gang zhe na/ /snang srid snod bcud sangs rgyas sems can rnams/ /
8b5 sems kyi rang bzhin ngo bo de las byas/ /byas nas mngon du byung ste bstan pa ni/ /chen po lnga dang rigs drug snang ba dang / /de yi don mdzad gzugs sku rnam gnyis ni/ /sems kyi rang bzhin dag tu phyung nas bgrangs/ shes bka'
8b6 stsal to/ /de nas sems dpa' rdo rjes zhus pa/ kye kun byed rgyal po e ma ho/ /kun du bzang po e ma ho/ /byang chub sems khyod e ma ho/ /dang por byang chub sems langs nas/ /rang dang chos rnams ma shes nas/ /kun
8b7 mkhyen khyod kyi 'khor du 'dus/ /zhu ba'i dmigs ni mi cha bas/ /kun mkhyen khyed kyi bka' stsal pa/ /chos rnams gcig tu 'dus par ni/ /byang chub sems mdo bka' stsal na/ /gcig la gnyis su bstan pa yi/ /rnam grangs don
8b8 'di ji ltar lags/ zhes zhus so/ /de nas byang chub kyi sems kun byed rgyal pos bka' stsal pa/ kye nga ni ye nas lhun gyis grub/ /nga ni sangs rgyas thams cad kyi/ /lhun gyis grub pa'i snying po yin/ /nga ni thugs rje'i ngo bo ste/ /gang la
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po