rKTs

e-texts navigator

Volume

Page

87a₁ shing phyogs pa kun nyon cig / deng 'dir rgyal ba bdud rtsi gsum 'jog gis/ /dug gsum 'joms par 'dod pa kun 'dus shig /de skad ces bsgrags pas dam pa'i rigs can lnga ma ma gtogs 'di lta ste/ sngags
87a₂ kyi bsam gtan chen po'i nang du yang dag 'jog pa bskul ba chen po lang ka'i mnga' bdag blo gros thabs ldan la sogs pa/ las gzhan thams cad 'dus par gyur to/ /de nas 'dus pa de dag la bka' stsal pa/ kye grogs
87a₃ po dag shes par gyis shig / chos thams cad ni mi rtag pa'o/ /'byor pa thams cad ni mthar rgud pa'o/ /dngos po thams cad ni nges par 'jig pa'o/ /gang zag gi srog gi dbang po la skye shi yod pa'i phyir nga yongs
87a₄ su mya ngan las 'da' bas su dag the tshom ma chod pa rnams dri ba gyis shig / de skad ces bka' stsal pa dang / 'khor der 'dus par gyur pa'i rig 'dzin gyi rgyal po kun dza ra zhes bya ba de rang gi stan las langs te/ seng ge'i lta stangs
87a₅ kyis ston pa'i zhal du bltas nas 'di skad ces gsol to/ /khyod ni nam mkha'i rang bzhin te/ /'das dang mi 'da' yong mi mnga'/ /'jig rten pa la 'thun 'jug tu/ /'da' bas yongs su 'dul bar dgongs/ /khyod ni 'jig
87a₆ rten sgron mar shar/ /lha mi'i 'jig rten thams cad kyi/ /mun pa'i dkyil 'khor kun bsal nas/ /sems kyi dkyil 'khor gsal mdzad de/ /sa dang rnam thar la spyad pas/ /byang chub thob par 'gyur ba yi/ /'dren pa'i theg pa rnam
87a₇ gsum la/ /gang dag rim par bkod lags na/ /mnyam pas blang dor med spyod cing / /byang chub gzhan nas mi 'tshol ba'i/ /thabs mchog dpag gis mi lang ba'i/ /nges pa'i theg chen yong ma gsungs/ /rgyal ba'i dgongs pa tshig
87a₈ gsum po/ /gdam ngag lung du ma bzhag na/ /blo chung mun pas rmongs pa rnams/ /nges pa'i blo gros gang la gzhag /rnam par thar pa'i theg pa gsum/ /gang bsdus gang la gang gis bsdu/ /'jig rten gsal ba'i nyi nub na/ /

_{iiif viewer powered by OpenSeadragon}

86b - 87b

Texts on this page