| e-texts navigator |
| བོད་ཡིག |
85b1 gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te/ yongs su 'das kyang de kho na nyid du nges pa'i sgo nas de rnam par bgro bar byed do/ /sangs rgyas thub pa'i dbang po'i zhing
85b2 khams mos pa can mi mjed kyi 'jig rten drug gi phyogs bcu zhes bya ba rdo rje gdan gyis rnam par brgyan pa/ gnod sbyin gyi gnas lcang lo can gyi pho brang na skyes bu chen po gsang ba pa'i bdag po zhes bya bar byang chub sems dpa' bye
85b3 ba phrag sa ya gnod sbyin gyi rigs can mang po'i 'khor dang bcas te/ sems kyi rang bzhin 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston to/ /de bzhin du sangs rgyas bsam
85b4 gyis mi khyab pa'i zhing khams dpag tu med pa na grangs med pa'i skyes bu chen po zhes bya bar byang chub sems dpa' bye ba phrag sa ya brjod kyis mi lang ba'i 'khor dang bcas te/ sems kyi rang bzhin 'od gsal ba gsang sngags kyi ngo
85b5 bo mtha' yas de nyid rang rang gi ston pa dag la nyan cing rang rang gi nyen 'khor dag la de bzhin ston te/ yongs su 'das nas kyang nges par brtags pa'i sgo nas de rnam par bgro bar byed do/ /de bzhin du chos kyi sku'i zhing khams snying po
85b6 byang chub zhes bya ba na rgyal 'tshab skyes bu zhes bya bar rgyal 'tshab skyes bu bsam gyis mi khyab pa'i 'khor dang bcas te/ /sems kyi rang bzhin ye nas sangs rgyas par gyur pa gsang sngags kyi ngo bo de nyid la dgongs pa nges par
85b7 'grel to/ /de bzhin du sems can skyes bu bsam gyis mi khyab pa/ lha'i ris dang / lha ma yin gyi ris dang / klu'i ris dang / mi'i ris dang / gnod sbyin gyi ris dang / srin po'i ris dang / byol song gi ris dang / yi dags kyi ris dang / dmyal ba'i ris la sogs
85b8 pa 'jig rten dag gi phyogs bcu tha dad pa na ded dpon tha dad pa'i skyes bur gzugs tha dad par rnam par snang ba dag rang rang gi lus kyi 'khor tha dad pa dang bcas te/ /sems kyi me long 'od gsal ba gsang sngags kyi ngo bo de nyid rang
iiif viewer powered by OpenSeadragon
Texts on this page
J747 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo