| e-texts navigator |
| བོད་ཡིག |
82b1 rnal 'byor gang dang gang dag las/ /bstan cing gdams pa legs par bshad du gsol/ /zhes zhus so/ /de nas byang chub kyi sems kun byed rgyal pos skal ldan la gdams pa'i don 'di gsungs so/ /kye sems dpa'
82b2 rdo rje legs par da nyon cig / ston pa'i ston pa kun byed rgyal po ngas/ /ji ltar snang zhing grags pa'i chos rnams kun/ /ngas byas byed dang byed 'gyur snying po'i don/ /gzhi rtsa kun 'das snying po byang chub rgyu/ /
82b3 dgongs pa mngon du phyung ba'i mdo lung 'di/ /dad dang dam tshig brtson 'grus che ba dang / /snying rje yi rang skyo dang yid ldog med/ /lus dang bu dang chung ma bran dang nor/ /gang la 'ang ma chags dad dang dga' bas 'bul/ /'di dag
82b4 dad dang dam tshig rtags yin pas/ /snying po'i don dang ldan pas sbyin par bya/ /grags pa spang zhing nga rgyal bral ba dang / /dam pa snying po'i don phyir lus srog phangs pa med/ /bka' las mi 'da' rtags
82b5 dang ldan pa la/ /snying po don dang skye med bstan pa sbyin/ /gang gis snying po'i bstan pa bdag thob na/ /'jig rten mtshan mas bdag la ci bgyi ste/ /thob na bdag gis dka' ba sgrub bo zhes/ /dam bca'
82b6 legs par gnas na bstan pa sbyin/ /ji srid bdag dang slob dpon 'tsho ba'i bar/ /lus dang srog gi 'brel ba ma mchis par/ /khyod kyi bka' bzhin bsgrub ces gnas bor la/ /bstan pa'i snying po kun
82b7 byed rgyal po sbyin/ /mdor na lus dang srog kyang 'bul bya zhing / /rdzas dang zhing yul rkang 'gros smos ci dgos/ /gal te bdag la dgongs par ma gyur kyang / /dam pas blangs te dkon mchog gsum la 'bul/ /
82b8 kye ston pa'i ston pa kun byed rgyal po yis/ /snod min log pa'i gang zag bstan pa ni/ /grags dang 'jig rten chos la dga' ba dang / /nga rgyal dam par mi bkur yid thung ldog /'phyar zhing rdzas dang dad par
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po