| e-texts navigator |
| བོད་ཡིག |
82a1 khyod la 'dud/ /kye ston pa'i ston pa kun byed rgyal po khyod/ /'dus pa'i 'khor yang nges par khyod kyis byas/ /bstan pa gsum yang nges par khyod kyis byas/ /kun byed rgyal po nyid la phyag 'tshal 'dud/ /kye ston
82a2 pa'i ston pa kun byed rgyal po khyod/ /zag med shes rab rtogs pa gsum bstan pas/ /'khor gyi mun pa'i dkyil 'khor snang mdzad pa/ /kun byed rgyal po nyid la phyag 'tshal 'dud/ /kye ston pa'i ston pa kun byed rgyal po khyod/ /
82a3 nyid kyi thugs gcig rang 'byung ye shes las/ /'byung zhing sdud pa'i rtsa ba khyod nyid pas/ /chos kyi snying po khyod la phyag 'tshal 'dud/ /kye ston pa'i ston pa kun byed rgyal po khyod/ /ma rig pa'i lam ni bsal nas kyang / /
82a4 ye shes snang ba kun du mched par byed/ /ston pa kun byed rgyal po khyod la 'dud/ /kye ji ltar snang ba'i chos ni thams cad kun/ /rang 'byung nyid pas rgyu rkyen kun dang bral/ /ma bcos snying po ji bzhin gsal bas na/ /rang
82a5 'byung ye shes kun byed rgyal po nyid/ /ji ltar brtags kyang gting mtha' dbus med de/ /kun gyi 'byung gnas bsam pa'i yul las 'das/ /skye 'gag dmigs 'jug las 'das rnam par zhi/ /su zhig 'jug cing
82a6 dmigs dang dad pa dag / 'di la dman dang dam par dmigs med pas/ /mi rtsol bde la gnas shing dbugs phyin 'gyur/ /chos kyi rtsa ba kun byed rgyal po las/ /ji ltar gnas pa rtsol sgrub kun dang bral/ zhes
82a7 gsungs so/ /byang chub kyi sems kun byed rgyal po las rjes su bstod pa'i le'u ste brgyad bcu rtsa gnyis pa'o// // de nas byang chub kyi sems kun byed rgyal po la sems dpa' rdo rje legs par 'dun nas
82a8 zhus pa/ kye ston pa'i ston pa kun byed rgyal po lags/ /ji ltar snang zhing grags pa'i chos rnams kun/ /rang 'byung ye shes gcig tu bstan pa'i mdo/ /chos kyi rtsa ba kun byed rgyal po'i rgyud/ /phyi rabs
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po