| e-texts navigator |
| བོད་ཡིག |
81b1 ma yengs pas/ /bsgom pa'i mdo lung bcu ru bsdus te bstan/ /'di las 'phros shing thams cad 'dir 'dus pas/ /kun gyi rtsa ba don gyi 'grel ba'i lung / /kun byed nga yi sras su gyur pa la/ /ming gis don mtshon skye med
81b2 rtogs phyir bstan/ /kye sems dpa' rdo rje legs par nan tan gyis/ /theg pa'i rtsa ba byang chub sems kyi lung / /kun byed rgyal pos bsdus pa'i rtsa ba 'di/ /sems dpa' rdo rje legs par rtogs 'gyur na/ /rgyal ba'i rgyal
81b3 ba kun byed rgyal por 'gyur/ /de phyir kun byed nga yi 'khor rnams la/ /sems dpa' rdo rjes don 'di lung ston cig /skye med byang chub sems su lung ston cig /'khor 'das dbyings su gcig par lung ston cig /rgyu 'bras dus gcig
81b4 rdzogs par lung ston cig / ces gsungs so/ /byang chub kyi sems kun byed rgyal po las dgongs don lde mig gi le'u ste brgyad bcu rtsa gcig pa'o// // de nas byang chub kyi sems kun byed rgyal po la sems dpa' rdo rjes gus pa'i
81b5 tshul gyis bstod pa/ kye ston pa'i ston pa kun byed rgyal po khyod/ /dus gsum rgyal ba'i rang bzhin chos kyi dbyings/ /'khor ba mi spong thugs rje phyogs ris med/ /ston pa kun byed rgyal po khyod la 'dud/ /kye ston pa'i ston pa kun
81b6 byed rgyal po khyod/ /'das pa'i sangs rgyas kun byed khyod kyi byas/ /ma byon pa dang da ltar byed cing mdzad/ /ston pa kun byed rgyal po khyod la 'dud/ /kye ston pa'i ston pa kun byed rgyal po khyod/ /khams gsum srid gsum byed
81b7 mkhan khyod kyis byas/ /rang 'byung lnga dang rgyan gyi rgyu lnga dang / /ye shes lnga byas kun byed khyod la 'dud/ /kye ston pa'i ston pa kun byed rgyal po khyod/ /sku gsum ston pa gsum yang khyod kyis byas/ /sku gsum thugs gsum
81b8 ma lus kun byas pas/ /ston pa kun byed rgyal po khyod la 'dud/ /kye ston pa'i ston pa kun byed rgyal po khyod/ /sku gsum bzhugs pa'i gnas kyang khyod kyis byas/ /'khor gyi dang po sdud pa 'ang nyid las byung / /ston pa kun byed rgyal po
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po