| e-texts navigator |
| བོད་ཡིག |
80a1 kye lhun grub bya rtsol 'das pa'i snying po la/ /gang gi phyogs ldog med pa'i zhen pa ni/ /ji ltar bus pa mkha' la rtsod pa ltar/ /kun byed nga yi rang bzhin mthong mi 'gyur/ /gang gis gang spangs ldog par 'dod pa ni/ /re dogs
80a2 'jigs pa'i sems dang ma bral bas/ /mtha' bral mtha' la zhen pa'i gang zag gis/ /lhun grub snying po'i don la ji ltar reg /kye sems dpa' rdo rje legs par da bsgoms shig /ma skyes rnam par dag pa'i don snang bas/ /
80a3 snang ba dngos por mi lta 'jig mi byed/ /snang ba skye ba med par rang grol bas/ /stong pa mi bsgom ji bzhin rtogs pas grol/ /kye ston pa'i ston pa kun byed rgyal po ngas/ /ji ltar snang ba'i chos ni thams cad kun/ /ma skyes rnam
80a4 par dag par lung bstan pas/ /ji ltar skye ba med pa nyid du rtogs/ /kye nga las byung ba ston pa sku gsum la/ /sems nyid skye ba med par kun smra zhing / /rang bzhin med pa'i don la kun rtsod kyang / /skye med mngon sum dus kyis rtogs
80a5 pa med/ /de phyir kun byed rgyal po'i lung 'di la/ /shes nas ma yengs don la gnas pa las/ /rtsol bas mi 'jug gnyen pos sems mi sbyongs/ /yul la mi 'jog dran pa'i sems mi sdud/ /gang ltar 'byung ba de nyid don yin pas/ /kun
80a6 byed nga yi don la 'jug par gyis/ /kye ston pa'i ston pa kun byed rgyal po yis/ /ma bcos sems kyi 'khor la lung phog pa/ /ma lus skye med rtogs pa'i rnal 'byor pa/ /rang bzhin bcu las rtsol bar ma byed cig /kun byed
80a7 byang chub sems kyi rang bzhin la/ /shes pas gzung 'dzin mi shes spang med pas/ /rtogs pa dbang sgyur don la gnas pa yis/ /kun byed rgyal po'i dgongs pa lhun gyis grub/ ces gsungs so/ /byang chub kyi sems kun byed
80a8 rgyal po las lhun grub re dogs bcad pa'i le'u ste brgyad bcu pa'o/ / // de nas byang chub kyi sems kun byed rgyal po la sems dpa' rdo rjes 'di skad ces zhus so/ /kye ston pa kun byed rgyal po lags/ ji ltar snang ba'i chos
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po