| e-texts navigator |
| བོད་ཡིག |
78b1 pa snying po'i don du bstan/ /gang yang bsam pa kun las 'das byed pa/ /blang dor med par rtogs par lung bstan to/ /kye sems dpa' rdo rje snying po'i don la bsgom/ /nga ni ma nor don gyi snying po la/ /blang dor rnam rtog bcos pa'i
78b2 yul med de/ /rang bzhin bde ba mchog gis goms par byed/ /kun byed rtogs na snying por kun gnas pas/ /snying po'i don la blang dor lung ma bstan/ /skye zhing 'jig pa'i chos su 'ang lung ma bstan/ /bzang ngan gtsang sme'i
78b3 chos su 'ang lung ma bstan/ /rtog dpyod bsam pa'i yul las 'das par bstan/ /kye sems dpa' rdo rje nges par da bsgoms shig /bsgom dang bsgom par bya ba'i yul nyid ni/ /ma bcos kun byed sems kyi rang bzhin
78b4 la/ /bsgom dang mi bsgom blo yi yul las 'das/ /kye kun byed rgyal po byang chub sems nga ni/ /nga yi 'khor du 'dus pa'i tshogs rnams la/ /blang dang dor ba'i chos nyid nga mi ston/ /gcig la gnyis su dbye ba'i chos mi
78b5 ston/ /rtog dang dpyod 'das rtog dpyod bsam mi byed/ /ma bcos ji bzhin pa la 'chos ma byed/ /bya ba gang btang ci snang chos nyid la/ /ma bsams rang bzhin bzhag pas grol bar ston/ /kye sems dpa' rdo rje
78b6 chen po da bsgoms shig / blang dor med pa'i chos nyid byang chub la/ /mkha' ltar gnas pas lus sems bcos su med/ /'du shes zhen 'dzin med pas bsgom du med/ /mkha' ltar rab zhi rnyog pa kun bral la/ /
78b7 yul la mi 'jug dgongs pa'i dmigs 'jug bral/ /kye sems dpa' rdo rje legs par da bsgoms shig /dbang po yul la mi rtog sems mi sdud/ /gnyen po ma brten lus sems rgyud ma sbyongs/ /lus sems ma
78b8 bcos snying po'i don du rtogs/ /kye kun byed rgyal po nga yi spyod pa ni/ /ma btsal lhug par gnas pas don kun rdzogs/ /snying po'i don du 'dus pas blang dor med/ /re dogs rnam par chad pas mya ngan 'das mi bsgom/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po