| e-texts navigator |
| བོད་ཡིག |
75b1 kun rdzogs par 'gyur/ /kye ji bzhin rtsol bral bde ba chen po la/ /sgo gsum mi rtsol bcos shing dmigs mi byed/ /yid la mi byed mtshan ma'i rjes mi 'brangs/ /rang 'byung ye shes bde ba'i don la bzhag /'di ni rang 'byung 'od
75b2 gsal dgongs pa ste/ /kun byed rgyal po'i dgongs pa'i phrin las so/ /kye sems dpa' rdo rje ji bzhin nyid bsgoms shig /ma bcos ji bzhin nyid la 'jug pa la/ /tshad ma mi dgos gnyen pos bcos mi dgos/ /
75b3 rtogs pa'i don la ma bcos de bzhin zhog /kye bya ba med pa'i rang bzhin las 'di la/ /sgo gsum rtsol ba byas pas zin mi 'gyur/ /kun byed rgyal po'i dgongs pa la gnas pas/ /nga yi dgongs pa phrin las lhun gyis
75b4 grub/ /ces gsungs so/ /byang chub kyi sems kun byed rgyal po las ji bzhin pa la bya rtsol dang bral bar gnas pa'i le'u ste bdun bcu gsum pa'o// // de nas byang chub kyi sems kun byed rgyal pos snying po 'du 'bral med
75b5 par gnas pa 'di gsungs so/ /kye ji bzhin pa la sems dpa' rdo rje sgom/ /ston pa'i ston pa kun byed rgyal po yis/ /snying po dgod du med par bstan pa ni/ /ji bzhin gtso 'khor med pa'i don du bstan/ /kye rig pa'i
75b6 rgyal po gsal bar dbang bsgyur bas/ /snying po rtsol bsgrub 'das pa'i bdag nyid de/ /rtogs pa ye shes mchog gis len par byed/ /'di ni kun byed rgyal po'i dkyil 'khor yin/ /kye ston pa'i ston pa kun byed rgyal po yis/ /
75b7 snying po sku yi dkyil 'khor bkod pa ni/ /ji ltar snang zhing gnas pa'i chos rnams kun/ /skye ba med ba'i chos dbyings ngang la bkod/ /snying po'i don la blang dor med pa'i phyir/ /de yang kun byed nga yis bkod pa yin/ /kye ston
75b8 pa'i ston pa kun byed rgyal po yis/ /snying po gsung gi dkyil 'khor bkod pa ni/ /ji ltar grags shing gnas pa'i chos rnams ni/ /skye ba med pa'i dbyings las gsung du bkod/ /snying po brjod du med pa'i gsung la 'dus/ /de yang kun byed
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po