| e-texts navigator |
| བོད་ཡིག |
75a1 bsrung dang mi srung sa mtshams med par bshad/ /ces gsungs so/ /byang chub kyi sems kun byed rgyal po las lta bsgom 'dar med pa'i le'u ste bdun bcu gnyis pa'o// // de nas byang chub kyi sems kun byed rgyal pos bya med
75a2 rtsol ba dang bral bar rtogs pa 'di gsungs so/ /kye nga ni kun byed rgyal po ste/ /kun byed rgyal po nga yi dgongs pa ni/ /bsam pa'i yul las 'das pas bsgom du med/ /kye sems ni ji bzhin pa yi ngo bo ste/ /ji bzhin pa la 'chos
75a3 par byed ma myong / /rang 'byung nga la rgyu rkyen kun dang bral/ /sgo gsum btsal med lhug pa nyid du zhog /gang zhig bya rtsol mtshan ma'i rjes 'brangs pa/ /kun byed nga dang phrad par mi 'gyur ro/ /kye ston pa'i kun byed nga yi phrin
75a4 las ni/ /bya ba med pas rtsol ba'i las mi byed/ /dmigs pa med pas bsgom pa'i 'du shes bral/ /'du 'bral med pas ma brjed yid la zhog /byung tshor skye ba med pas gsal 'gyur nas/ /gang yang byas pa med par
75a5 las kun grub/ /kye nga ni ston pa kun byed rgyal po ste/ /rgyal ba kun gyi phrin las ngas byas kyang / /rang 'byung ye shes bya med rdzogs pa'i phyir/ /ji bzhin pa yi las la byed ma myong / /ma btsal ji bzhin nyid du sems
75a6 dpa' zhog / ji bzhin ma bcos rgyal ba'i dgongs pa la/ /sems dang sems las byung ba ci skyes kyang / /de nyid skye med nyid du gnas shes na/ /bya rtsol mtshan ma'i 'du shes kun dang bral/ /kye sems dpa' rdo
75a7 rje ji bzhin nyid bsgoms shig / rtogs pa rang sar grol ba'i lta ba la/ /ma yengs rang bzhin bzhag pas bya btsal med/ /kun kyang rang 'byung rang sar grol ba yin/ /kye sems dpa' rdo rje ji bzhin nyid bsgoms
75a8 shig / rang lus mi bcos dbang po mi rtul te/ /ngag kyang mi gdams bya rtsol byar yang med/ /sems kyang gar gtad mi g.yo'i ngang la bzhag /bya ba med pa'i phrin las 'di bsgoms pas/ /byas pa med par don
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po