| e-texts navigator |
| བོད་ཡིག |
74a1 pa yin/ /kye bsgom du med pa'i man ngag 'di dag la/ /tshig dang sgra las 'das pa'i don yin phyir/ /snga rabs kun byed rgyal pos lung ma bstan/ /phyi rabs kun byed rgyal pos lung mi ston/ /da ltar kun byed rgyal pos lung bstan
74a2 med/ /kye ston pa'i ston pa kun byed rgyal po yis/ /ma nor dgongs pa'i don la lung bstan pa/ /sgro skur 'das pa don gyi snying po la/ /bsgom dang mi bsgom mkha' la rtsod pa 'dra/ /rtogs pa'i don las ma yengs dgongs pa ste/ /dngos po
74a3 ma yin dngos po med ma yin/ /phyogs min phyogs las 'das pa ma yin par/ /bsgom dang mi sgom phyogs la gnas mi byed/ /kye ston pa'i ston pa kun byed rgyal po ngas/ /bsgom dang mi sgom mtshon par mi nus ltar/ /snying po don
74a4 la gnas pa'i rnal 'byor dang / /sems dpa' rdo rje de la gnas par bya/ /kye dus gsum ston pa kun byed rgyal po yis/ /skye med byang chub sems kyi dgongs pa la/ /ming dang tha snyad tshig tu 'di'o zhes/ /ma bstan mi ston bstan par
74a5 mi mdzad do/ /lta ba bsgom du med par don rtogs na/ /bsgom dang mi bsgom res 'jog log pa'i lam/ /dam pa'i dgongs pa skye med thugs chud na/ /dam pa de la log dang ma log med/ /kye kun byed rgyal po nga yis lung phog ltar/ /
74a6 ma sgoms bsgom du med par rtogs goms nas/ /skal ldan rnal 'byor gang zag su yang rung / /kun byed rgyal po nyid du lung bstan to/ /zhes gsungs so/ /byang chub kyi sems kun byed rgyal po las lta
74a7 bsgom dbyer med pa'i le'u ste bdun bcu gcig pa'o/ / // de nas byang chub kyi sems kun byed rgyal pos bsrung du med pa de bzhin nyid du gnas pa 'di gsungs so/ /ston pa'i ston pa kun byed rgyal po yis/ /
74a8 rnam rtog mtshan ma'i lam la gnas pa'i bar/ /bsrung dang mi srung khyad par gnyis mthong ba/ /rtsa ba yan lag bcas par bsrung bar bstan/ /kye kun byed nga ni ye nas de bzhin nyid/ /de bzhin nyid la gzung 'dzin med
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po