rKTs

e-texts navigator

Volume

Page

71a₁ ji ltar 'dul ba'i thabs su bstan pa'i phyir/ /nga las byung ba'i ston pa sku gsum gyi/ /sgrib pa bsal zhing ye shes bsgrubs par rtogs/ /sku gsum ston pas 'khor la de ltar bstan/ /'khor gyis go zhing rtogs pa de
71a₂ bzhin te/ /rang rang mos pa'i don la zhen pa'i phyir/ /kun byed nga yi 'khor du 'du mi byed/ /kye kun byed nga yis 'khor la lung phog pa/ /ji ltar snang grags gnas pa'i chos rnams kun/ /ma skyes de bzhin nyid du kun gcig phyir/ /sgrib dang mi sgrib chos su
71a₃ gnas mi byed/ /de phyir ye shes sgrib par nga mi 'byed/ /sgrib dang mi sgrib chos su ris mi lta/ /mthar thug med pa'i don la grangs mi bgrangs/ /rgyu dang 'bras bus snying po'i don mi skyed/ /kye ston pa kun byed rgyal po nga yi bka'/ /sku gsum ston pa'i
71a₄ lung dang mi mthun pas/ /skye med gcig la mtshan ma'i grangs mi bgrang / /yul shes mi blta gnyen po'i tshogs mi bsten/ /rig dang ma rig skye med dbyings gcig pas/ /gcig la gnyis 'dzin mtshan ma'i grangs mi 'debs/ /rnam par
71a₅ mi rtog 'du shes nang mi 'jog / res 'jog ma yin dus gcig kun mkhyen pas/ /de ltar sems dpa' rdo rjes rtogs par gyis/ /kye ston pa kun byed nga yi ye shes nyid/ /bgrang du med la bgrang na mtha' las 'das/ /che ba re la ye shes
71a₆ grangs bstan pas/ /brjod pas de dag mi rdzogs lung bstan to/ /kye kun byed rgyal po nga yi ye shes ni/ /rnam par mi rtog spros pa kun dang bral/ /rab zhi gdul med mkha' ltar gnas pa ste/ /skye ba med pa zhes su bstan pa yin/ /
71a₇ rang byung ye shes gcig las ma g.yos kyang / /rnam pa'i khyad par ma bcos so sor gsal/ /de ltar gang gis rig cing rtogs pa nyid/ /kun byed rgyal po'i sras su lung bstan to/ /ye shes skye med rtogs pa ji lta bar/ /sems
71a₈ dpa' rdo rjes de ltar rtogs par gyis/ /kye nga ni ye shes kun byed rgyal po ste/ /ma rig pa yi lta ba sel bar byed/ /sgrib pa'i dra ba ma lus gcod byed cing / /ye shes snang ba rgyas par mched par byed/ /kun byed nga ni rang 'byung ye shes te/ /

_{iiif viewer powered by OpenSeadragon}

70b - 71b

Texts on this page