| e-texts navigator |
| བོད་ཡིག |
69a1 du med par rtogs pa 'di gsungs so/ /kye ston pa'i ston pa kun byed rgyal po yi/ /rang bzhin ma skyes gcig tu gnas pa la/ /skye med mngon du rtogs par dka' ba'i phyir/ /'khor gyi dang po ston pa sku gsum gyis/ /rang rang dga'
69a2 ba'i lam la gzud pa'i phyir/ /lam gyi khyad par bgrod du yod par bstan/ /blo chung brgyud nas don la 'dren pa'i phyir/ /drang ba'i lung du nga yis rtogs pa yin/ /kye tshogs dang sbyor lam mthong lam bsgom pa'i lam/ /mthar phyin rim
69a3 pa bskal pa brgya phrag dang / /tshes gsum bdun sogs dus der 'grub par rtogs/ /de yis nga yi lam 'di rtogs mi 'gyur/ /kye kun byed rgyal po nga yi lam bshad pa/ /nga nyid skye ba med pa'i rang bzhin la/ /'jug dang mi 'jug tshig
69a4 las shin du 'das/ /de phyir lam la bgrod du med par rtogs/ /lam lngar snang ba rnam rtog mtshan ma'i grangs/ /nga nyid mtshan ma'i yul las 'das pa'i phyir/ /mtshan ma'i lam gyis bgrod du med par rtogs/ /kye kun
69a5 byed nga yi lam la rim med de/ /skye med theg le chen por gcig pa'i phyir/ /gcig gi rang bzhin rtogs pa de yi phyir/ lam la bgrod med gcig tu rtogs pa yin/ /kye ston pa'i ston pa kun byed rgyal po nga / /nga la 'jug
69a6 pa'i rim pa'i lam med de/ /rang 'byung ye shes dus gcig rdzogs pa'i phyir/ /ma bgrod rang bzhin bzhag pas phyin par 'gyur/ /de phyir sems dpa' rdo rje khyod nyid kyis/ /nga la rim par bgrod par ma byed cig /kye nga ni
69a7 mtha' bral nam mkha'i rang bzhin te/ /nam mkha'i mtha' la bgrod cing tshi chad ltar/ /nga yi rang bzhin lam gyis bgrod 'dod pa/ /tshi chad nang du de las che ba med/ /de phyir sems dpa' rdo rje rtogs nas kyang / /khyod kyis
69a8 'khor gyi nang du lung ston cig / da ltar nga yi rang bzhin lung bstan pas/ /kun kyang nga yi rang bzhin nyid rtogs 'gyur/ /'jig rten mtshan ma'i lam la zhen mi 'gyur/ /rnam grangs tshig gi lam la rtsod mi 'gyur/ /ma bcos
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po