| e-texts navigator |
| བོད་ཡིག |
68b1 bar rtogs/ /gang zag mtshan ma grangs la dga' ba la/ /dbang gi grangs dang bskur ba'i rim pa bstan/ /ma bcos don la gnas pa'i gang zag la/ /ma bskur rang bzhin gnas pa'i rim pa bstan/ /kye kun byed rgyal po'i rang bzhin kun
68b2 khyab pas/ /de ltar 'jug cing rtogs pa'i rnal 'byor la/ /ma bskur rang bzhin gnas pa'i don rtogs pas/ /dbang la bskur thob med par lung ston cig /kye ston pa'i ston pa kun byed rgyal po ngas/ /bskur thob med par rtogs nas
68b3 lung bstan pas/ /skye med rnam dag sems kyi dbang thob nas/ /rang bzhin bcu yi dbang la rtsol mi 'gyur/ /sngags dang phyag rgya'i dbang la re mi 'jog /rdzas dang mtshan ma'i dbang la sems mi 'chags/ /rang rgyud dag pas mtshan
68b4 ma'i lha mi bsgom/ /gza' dang rgyu skar dus tshigs rim pa med/ /kye ston pa'i rgyal po nga yis rtogs pa ltar/ /sku gsum ston pa gsum gyis ma rtogs pas/ /rang bzhin bcu yi don la bsgribs pa'i phyir/ /kun byed nga yi rang bzhin
68b5 rtogs pa med/ /kye ston pa'i ston pa kun byed rgyal po ngas/ /'khor gyi dang po sku gsum ston pa las/ /rang bzhin ma bcos ji bzhin lung phog pa/ /mtshan ma'i 'jig rten lha la rten mi 'cha'/ /tshogs la mi rten dbang la rag
68b6 ma lus/ /skye med rig pa'i dbang la kun rdzogs pas/ /ma btsal bde bar bzhag pas don kun rdzogs/ /kye nga ni ston pa kun byed rgyal po ste/ /sku gsum ston pa nga yis bkod pa yin/ /des bstan bcos kyang nga yis
68b7 bkod pa yin/ /rang nyid rang la dgod pa bya mi dgos/ /kye de ltar kun byed rang bzhin gang rtogs pas/ /thams cad kun byed rang bzhin de rtogs pas/ /kun byed nga yi rang bzhin rtogs gyis la/ /mtshan 'dzin zhen
68b8 pa'i dbang la ma rten cig / ces gsungs so/ /byang chub kyi sems kun byed rgyal po las rang 'byung rtogs pa'i dbang gi le'u ste drug bcu gsum pa'o// // de nas byang chub kyi sems kun byed rgyal pos lam la bgrod
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po