| e-texts navigator |
| བོད་ཡིག |
67a1 byang chub kyi sems kun byed rgyal po las bsrung med dam tshig gi le'u ste drug bcu pa'o// // de nas byang chub kyi sems kun byed rgyal po des phrin las btsal du med pa 'di gsungs so/ /kye sems dpa' rdo rje legs par
67a2 rtogs shig / /ston pa'i ston pa kun byed rgyal po nga'i/ /rang bzhin las byung ston pa sku gsum gyis/ /so so ji ltar 'dul ba'i skur byung nas/ /phrin las btsal bas don dang phrad par rtogs/ /lus kyi las su phyag rgya bca' bar rtogs/ /
67a3 ngag gis sngags dang bzlas pa byed par rtogs/ /sems kyis 'phro 'du ting 'dzin bsgom par rtogs/ /sgo gsum yal bar gnas pas grub mi rtogs/ /kye ston pa kun byed nga yi 'phrin las ni/ /btsal bar bya med phrin las lung bstan pas/ /
67a4 don dang mi 'gal bsam pa mthar phyung bas/ /phrin las btsal du med par khyod kyis rtogs/ /kye ston pa kun byed nga yi 'phrin las ni/ /bdag don lhun gyis grub pas bya med rtogs/ /gzhan don dbyings su gcig pas btsal med
67a5 rtogs/ /de ltar khyod kyis nges par rtogs par gyis/ /kye kun byed byang chub sems su kun byas pas/ /byang chub sems la bya mi dgos par rtogs/ /ma byas bya bral snying po byang chub la/ /bya dang mi bya tha snyad gang gis gdags/ /
67a6 kye kun byed rgyal po nga yi phrin las ni/ /lus kyi las su phyag rgya bcar med rtogs/ /ngag gis bzlas brjod byar med snying por rtogs/ /sems kyis phro 'du sgom dang bral bar rtogs/ /'das dang ma byon da ltar bzhugs pa yang / /
67a7 phrin las bya med rtogs nas mngon sangs rgyas/ /dus gsum rgyal ba rtogs la rag lus pas/ /sems dpa' rdo rje thos nas rtogs par gyis/ /kye nga las byung ba'i ston pa sku gsum gyis/ /zhi rgyas dbang dang drag po'i lung bstan
67a8 pa/ /rnam rtog mtshan ma grangs la dga' ba la/ /'dul ba'i rtog pa grangs su bstan pa yin/ /kye de phyir kun byed nga yis lung bstan pa/ /thos pa'i don la ma nor brtag par byos/ /bya rtsol kun dang bral ba'i phrin las kyis/ /ma byas don
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po