| e-texts navigator |
| བོད་ཡིག |
66b1 bstan/ /gang gis bsrung dang mi srung med rtogs pa/ /kun byed nga yi dam tshig rtogs pa yin/ /kye ston pa'i ston pa kun byed rgyal po nga / /rtsa ba byang chub sems su kun gcig las/ /kun kyang snying po'i dam tshig
66b2 yin pas na/ /bsrung dang mi srung don la 'das par rtogs/ /kye kun byed rgyal po'i lta ba'i dam tshig ni/ /skye med nam mkha' lta bur phyogs 'das pas/ /gang gis de dag legs par rtogs pa de/ /kun byed rgyal po'i dam tshig rtogs
66b3 pa yin/ /kye ston pa'i ston pa kun byed rgyal po ngas/ /dam tshig bsrung du med par lung bstan pa/ /dam tshig rtsa ba'i rgyud las gang thos pa/ /'dis ni don de legs par rtogs pa yin/ /kye kun byed rgyal pos snga par
66b4 lung bstan ltar/ /dus gsum chos nyid 'gyur ba med pa'i phyir/ /kun byed rgyal po nga yi dam tshig ni/ /dus gsum du ni bsrung du med par rtogs/ /kye chos rnams rtsa ba sems su gcig pa ltar/ /dam tshig rtsa
66b5 ba bsrung du med par gcig / de yang rang sems skye med rtogs pa yin/ /phyal ba dang ni med pa gcig pu dang / /lhun gyis grub par bsrung ba kun las 'das/ /kun byed rgyal po'i dam tshig rnam grangs te/ /skye ba med par
66b6 rtogs pa'i rnam grangs yin/ /snying po bsrung du med par don gcig la/ /rtogs dang ma rtogs khyad par la dgongs nas/ /drang dang nges pa gnyis su rnam phye nas/ /bsrung du yod dang med par lung bstan to/ /kye 'dis ni dam tshig
66b7 bsrung med rtogs pa'i phyir/ /dus gsum rgyal ba'i dgongs pa rtogs pa yin/ /gang gis 'di ma rtogs pa'i rnal 'byor pa/ /rang sems snying po'i don la shin tu 'gal/ /kye kun byed nga yi dam las gang 'das shing / /sku gsum
66b8 ston pa'i dam la gnas pa dag / bskal pa brgya phrag du ma rnams su yang / /snying po'i don dang phrad par shin tu dka'/ /de phyir kun byed nga yi lung thob pas/ /dam tshig bsrung du med par rtogs par byos/ /shes gsungs so/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po