rKTs

e-texts navigator

Volume

Page

65a₁ rgyal po rtogs pa bshad pa zhes bya ba'i rgyud phyi ma 'di gsungs so/ /kye sems dpa' rdo rje don 'di legs par nyon/ /ston pa'i ston pa kun byed rgyal po yi/ /nga las byung pa'i ston pa sku gsum gyis/ /so sor 'dul
65a₂ ba'i don du gang gsungs pa/ /ston pa re dang gnas dang 'khor dag dang / /bstan pa sdud pa so sor gnas par rtogs/ /kun byed nga yi rang bzhin rtogs pa min/ /kye kun byed nga yi rtogs tshul bstan pa ni/ /nga nyid skye ba med
65a₃ pa'i rang bzhin te/ /de las byung ba'i chos ni thams cad kun/ /rang 'byung skye ba med pa'i dbyings su rtogs/ /kye sems dpa' chen po legs par da nyon cig /nga nyid skye ba med par ngas rtogs pas/ /ston pa gsum yang skye ba
65a₄ med par rtogs/ /bstan pa gsum yang skye ba med par rtogs/ /'khor gnas dus kyang skye ba med par rtogs/ /'das pa'i sangs rgyas skye ba med par rtogs/ /da ltar byung pa'i sangs rgyas bzhugs pa yang / /skye ba med pa
65a₅ nyid du rab tu rtogs/ /ma byon slad kyis 'byung ba'i sangs rgyas kyang / /skye ba med pa ny-id du rab tu rtogs/ /kye ston pa kun byed nyid kyis rtogs pa ltar/ /sems dpa' rdo rje khyod kyis rtogs par gyis/ /sems dpa' rdo rjes de
65a₆ ltar ma rtogs na/ /kun byed nga yi rang bzhin rtogs mi 'gyur/ /nga yi rang bzhin khyod kyis ma rtogs na/ /snying po'i rang bzhin bcu dag rtogs mi 'gyur/ /rang bzhin bcu yi don la rmongs pa yis/ /bsgom du med
65a₇ pa'i lung bcu ji ltar rtogs/ /kye nga yis chos rnams ji ltar bstan pa ltar/ /sems dpa' rdo rje khyod kyis rtogs par byos/ /nga yi rang bzhin skye med rtogs pa ltar/ /kun gyi rang bzhin skye med rtogs par gyis/ /ston pa
65a₈ gsum yang skye ba med par rtogs/ /bstan pa gsum yang skye ba med par rtogs/ /'khor gnas dus kyang skye ba med par rtogs/ /dus gsum sangs rgyas skye ba med par rtogs/ /rgyud drug sems can skye ba med par

_{iiif viewer powered by OpenSeadragon}

64b - 65b

Texts on this page