| e-texts navigator |
| བོད་ཡིག |
63b1 med par rang bsgoms nas/ /cho ga lnga dang yo byad yan lag dang / /dam tshig tshul dang rab tu brtson 'gyur na/ /rig 'dzin sa ste lo stong drug brgya ru/ /longs sku 'dod pa'i ting 'dzin yengs med byed/ /longs sku thob nas rang sems
63b2 bzod tshol lta/ /stong phrag gcig na mi rtog mnyam bzod rnyed/ /kye sems dpa' chen po rdo rje khyod nyid kyang / /nga lung ma nor khyod kyis nga ston cig /kye sems can lha mi rnams ni shes pa rtsing / /dbang po yul la yengs pa'i rang
63b3 bzhin gyis/ /sems can mi shes gang bstan tshim pa la/ /ma nor nges pa'i lung chen ma bstan par/ /rgyu 'bras drang lung don dam kun rdzob bstan/ /bden brdzun gnyis kyis shes pa de tshim nas/ /bskal pa yun ring bden brdzun
63b4 gnyis la gnas/ /de bas dang por rang sems ma nor bstan/ /bstan pas ma nor btsal med lam phrad nas/ /da lta nyid nas mi rtsol sa la gnas/ /btsal du med pa'i lam dang de phrad 'gyur/ /ting 'dzin bsgom mi dgos dang de phrad 'gyur/ /
63b5 mi rtsol bde la gnas pa de yis thob/ /ma nor nges par rang sems de thob pas/ /ma btsal lhun gyis grub pa'i yon tan ni/ /sems bskyed mi dgos lam la bgrod mi dgos/ /sa la mi sbyong lta ba bsgom mi dgos/ /sdom pa tshul khrims
63b6 dam du gnyer mi dgos/ /kye sems dpa' chen po lung ston cig /'jig rten mtshan ma'i chos 'di bsgrub pa bzhin/ /lus kyi las su bya byed lha mi sgom/ /ngag gi las su sngags dang tshig mi brjod/ /yid kyi las su ting 'dzin
63b7 gsal mi sgom/ /zhes gsungs so/ /byang chub kyi sems kun byed rgyal po las chos thams cad byang chub kyi sems las med pa'i le'u ste nga lnga pa'o// // de nas sems dpa' rdo rje des/ byang chub kyi sems kun byed rgyal po de
63b8 chos thams cad kyi ngo bo dang byed pa po yin par nyid kyi 'khor thams cad la tshig bsgrags pa dang rtogs pa phul ba 'di bsgrags so/ /kye ston pa'i ston pa kun byed rgyal po lags/ /bdag gis khyod kyi rang bzhin rtogs pa ni/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po