| e-texts navigator |
| བོད་ཡིག |
62b1 rtsol sgrub 'das pa'i rang bzhin dang / /'thun par gtan la 'bebs pa'i rang bzhin dang lnga'o zhes gsungs so/ /kye ston pa kun byed rgyal po lags/ /sems dpa' rdo rje bdag gi rig pa yis/ /kun byed rang 'byung ye shes gcig ngo
62b2 la/ /dgos pa phun sum tshogs pa lnga byung ste/ /rang 'byung ye shes chos kyi snying po las/ /snang zhing srid pa'i chos rnams thams cad kun/ /mi snang ba la mngon du 'byin nus pas/ /chos kyi snying po yin par yid kyang ches/ /rang 'byung ye shes
62b3 gcig gi ngo bo de/ /don dam kun rdzob bden brdzun gnyis med par/ /ma nor nges pa'i byang chub sems ston pas/ /the tshom som nyi med par yid kyang ches/ /rang 'byung ye shes gcig gi ngo bo de/ /rgyu la mi brten rkyen la mi sgrub pas/ /
62b4 gzhan la rag ma las pa'i rang bzhin gyis/ /rang 'byung ye shes yin par yid kyang ches/ /rang 'byung ye shes gcig gi ngo bo de/ /rgyu rkyen med par lhun gyis grub pa'i phyir/ /phrin las btsal zhing bya byed bya mi dgos/ /ma btsal lhun
62b5 gyis grub par yid kyang ches/ /rang 'byung ye shes gcig gi ngo bo de/ /rang 'byung ye shes ye nas ma bsgribs pas/ /ji ltar snang ba'i chos rnams thams cad gsal/ /chos rnams thams cad gtan la 'bebs pa'i phyir/ /ston pa'i sgron
62b6 ma yin par yid kyang ches/ /shes gsungs so/ /byang chub kyi sems kun byed rgyal po las mdo lung thams cad kun byed nyid kyi rang bzhin du bsdus nas bstan pa'i le'u ste nga bzhi pa'o// // de nas byang chub kyi sems kun byed rgyal po
62b7 des chos thams cad byang chub sems las gzhan med pa'i mdo 'di gsungs/ kye sems dpa' chen po nyon cig /ji ltar snang srid snod bcud bsdus pa dang / /don dang tshig tu brjod pa thams cad kun/ /byang chub sems yin
62b8 pa ni 'di lta ste/ /chos kyi dbyings dang nam mkha'i khams 'di yang / /ma spros ma bsgribs pa yi byang chub sems/ /'di las gzhan yin bdag gis gsungs pa med/ /nam mkha' rlung chu sa me snang ba yang / /byang chub sems kyi
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po