| e-texts navigator |
| བོད་ཡིག |
5a1 min par ngas ma bshad/ /de las ma gtogs pa yi byang chub sems/ /sangs rgyas kun gyi mes po ngas ma bshad/ /kun byed rgyal po nga yi rang bzhin la/ /chos nyid rnam pa gsum du bstan pa ste/ /ma skyes pa yi chos nyid
5a2 dngos mi snang / /de ni gzugs med khams su bstan pa yin/ /skye ba'i cho 'phrul gzugs su snang ba ni/ /de ni gzugs kyi khams su bstan pa yin/ /thugs rje ye shes ngo bo mngon phyung nas/ /bde sdug las de thugs rjes zad
5a3 bya'i phyir/ /'dod pa'i khams ni thugs rjes phyung ba yin/ /zhes gsungs so/ /byang chub kyi sems kun byed rgyal po las chos thams cad kun byed rgyal pos byas pa las ji ltar byung ba'i khungs bstan pa'i le'u ste gsum
5a4 pa'o/ / // de nas byang chub kyi sems kun byed rgyal po des nyid kyi rang bzhin mtshan gyi chos bshad pa 'di gsungs so/ /kye sems dpa' chen po rdo rje khyod nyon cig /nga ni ye nas rang 'byung ye shes te/ /nga ni ye nas chos kun
5a5 snying po yin/ /nga ni kun byed rgyal po byang chub sems/ /nga yi mtshan 'di sems dpa' rtogs par gyis/ /nga yi mtshan 'di sems dpas rtogs 'gyur na/ /chos rnams thams cad ma lus rtogs 'gyur gyi/ /nga zhes bya ba'i
5a6 snying po ste/ /chos rnams kun gyi snying po yin/ /rang 'byung zhes ni bya ba ni/ /rgyu rkyen med pa'i snying po bas/ /rtsol sgrub kun las 'das pa yin/ /ye shes zhes ni bya ba ni/ /'gag pa med cing ma bsgribs pas/ /chos
5a7 kun ma lus ston par byed/ /nga ni byang chub sems la bya/ /ye nas bya ba'i don 'di ni/ /thog ma nyid nas gnas pa'i don/ /chos kun zhes ni bya ba ni/ /ston pa kun kyang chos nyid la/ /bstan pa kun kyang
5a8 chos nyid yin/ /'khor gnas dus kyang chos nyid de/ /chos nyid ma yin gcig kyang med/ /snying po bya ba'i don 'di ni/ /thams cad 'byung ba'i snying po ste/ /byang chub sems kyi rang bzhin las/ /ston pa
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po