| e-texts navigator |
| བོད་ཡིག |
56b1 la ni g.yos pa rdul tsam med/ /de bzhin byang chub sems la g.yos pa med/ /grub pa'i sa ru byang chub grub 'dod pa/ /kun du 'od dang ma chags pad ma'i spyan/ /rdo rje 'dzin dang stug po bkod pa dang / /'khor lo tshogs chen
56b2 rdo rje 'chang ba dang / /rgyu 'bras kun bzang dbye ba med sa drug /byang chub bsgrub pa'i sa ru ming btags pa/ /sems kyi rang bzhin rgyu rkyen bral ba'i phyir/ /bsgrubs pas grub pa'i 'bras bu ngas ma bstan/ /sems kyi
56b3 rang bzhin drug snang bstan pa yin/ /sems kyi rang bzhin drug ni 'di lta ste/ /rang 'byung ye shes ma 'gags pa yi rtags/ /dbang po sgo lnga kun tu gsal ba la/ /kun tu 'od kyi sa zhes btags pa yin/ /yul la mi rtog
56b4 chags pa med pa la/ /ma chags pad ma spyan du btags pa yin/ /skye 'jig med pa'i byang chub sems de la/ /rdo rje 'dzin pa zhes su nga yis btags/ /rang gi rang bzhin chos nyid dpag med la/ /rang 'byung ye shes mi
56b5 rtog mnyam par bkod/ /stug po bkod pa'i sa zhes btags pa yin/ /byang chub sems kyi rang bzhin dkyil 'khor de/ /rang la gnas pa'i chos rnams thams cad la/ /yi ge 'khor lo tshogs chen sa rnams te/ /sku
56b6 gsung thugs la skye dang 'jig med pas/ /rdo rje 'chang gi sa zhes bshad pa yin/ /byang chub sems la rgyu 'bras gnyis med do/ /sems las byung ba'i chos rnams thams cad la/ /bzang ngan blang dor ye nas med
56b7 pa'i phyir/ /dbye ba med pa'i sa zhes nga yis bshad/ /des na byang chub sems kyi chos dbyings la/ /dus gsum sangs rgyas khams gsum sems can kun/ /de nas 'byung zhing de ru gnas pa'i phyir/ /chos dbyings byang
56b8 chub sems ni kun spyod sa/ /zhes gsungs so/ /sangs rgyas sgrub pa'i sa zhes btags pa de/ /byang chub sems kyi rang bzhin de las ni/ /gong bshad bzhin du byang chub sems la gnas/ /shes sbyang du med pa'i sa bstan
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po