| e-texts navigator |
| བོད་ཡིག |
55b1 la rtog pa med/ /kye sems dpa' chen po nyon cig /byang chub sems ni chos kyi gzhi yin pas/ /theg pa so so lta spyod drug drug gis/ /rgyu 'bras ltos pa'i 'khor la de bstan pas/ /de re rang 'thad bsam pa re re yis/ /
55b2 lta spyod gzhi ma drug la btsal byas kyang / /de bzhin nyid la btsal ba'i yul med pas/ /btsal bas de bzhin nyid la bcos pa'i phyir/ /rang sems gzhi ma bcos med de mi phrad/ /kye sems dpa' chen po nyon cig /lta ba bsgom
55b3 du med ces bstan pa ni/ /chos kyi rtsa ba rang las med pa'i phyir/ /rang gi rang la blta ru med pa'i phyir/ /rang med yul ni nga yis bstan pa med/ /des na lta ba bsgom du med ces bstan/ /dam tshig bsrung du med ces bstan
55b4 pa ni/ /bsrung bas mi thub rang gi sems mi khegs/ /rang 'byung ye shes yin par bsrung du med/ /kye phrin las btsal du med ces bstan pa ni/ /rdzogs chen rgyu 'bras ye nas 'das pa'i phyir/ /phrin las rgyu las bsgrubs nas
55b5 'bras bur 'dod/ /rdzogs chen 'bras bu 'dod pa med pa ni/ /phrin las btsal ba med pa'i phyir/ /phrin las btsal du med ces bstan pa yin/ /lam la bgrod du med ces bstan pa ni/ /kye dus gsum sangs rgyas khams
55b6 gsum sems can la/ /bgrod pa byang chub sems kyi lam la bgrod/ /sems su sangs rgyas sems can gnyis su med/ /des na sems kyis sems la lam bgrod med/ /sa la sbyang du med ces bstan pa ni/ /chos
55b7 dbyings byang chub sems 'di la/ /sbyangs pas thob par 'dod pa rgyu 'bras can/ /chos nyid byang chub sems kyi sa 'di la/ /sbyangs bcos byas grub lung ni ngas ma bstan/ /ye shes yul la mi rtog ces bstan pa/ /
55b8 yul de ye nas rang 'byung ye shes te/ /ye shes la ni ye shes yul ma mchis/ /zhes gsungs so/ /byang chub kyi sems kun byed rgyal po las chos thams cad kyi gzhi ma kun byed nyid yin bar bstan pa'i le'u ste zhe
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po