| e-texts navigator |
| བོད་ཡིག |
53b1 rang 'byung ye shes kun dang mtshungs med pas/ /rgyu rkyen las kyis rang 'byung de mi 'grub/ /bden pa gnyis kyis gtan la dbab du med/ /nges pa gcig la bden pa rnam pa gnyis/ /ma nges the tshom can gyi lung de la/ /nges pa gcig tu bstan
53b2 pa ga la yod/ /rnal 'byor gang zag chos la rlom byed ni/ /ston gsum rgyu 'bras lung la brten smra ba/ /de la bden gnyis tshad ma bzhi yang dgos/ /kun byed nga yis chos kun byas pa'i phyir/ /ngas byas chos la bden pa gnyis mi dgos/ /
53b3 ngas byas chos la bden pa gnyis dgos su/ /ngas byas thams cad byang chub sems su byas/ /byang chub sems la don dam kun rdzob med/ /ces gsungs so/ /byang chub kyi sems kun byed rgyal po las dam tshig bsrung du med pa'i
53b4 le'u ste zhe drug pa'o/ / // de nas byang chub kyi sems kun byed rgyal po des rdzogs pa chen po la phrin las btsal du med pa 'di gsungs so/ /kye sems dpa' chen po nyon cig /kun byed nga ni rdzogs pa chen po ste/ /rdzogs pa chen
53b5 po lhun gyis grub pa'i phyir/ /phrin las ye nas btsal du med par bstan/ /phrin las btsal du yod par lung ston pa/ /nga las byung ba'i ston pa sku gsum gyis/ /rang re 'khor la btsal ba'i las phog pa/ /btsal ba'i las ni
53b6 rang res so sor phog / sprul pas btsal ba'i rgyu la las phog pa/ /lus ngag yid gsum tshad med sgor zhugs nas/ /lus kyi sdom pa srog gcod rku g.yem spang / /ngag gi sdom pa
53b7 ngag khyal tshig rtsub dang / /brdzun dang phra ma la sogs ngag gis spang / /yid kyis mnab sems gnod sems log lta spang / /dge bcu spyod pa'i las de rgyur bkod nas/ /sbyin
53b8 pa tshul khrims pha rol phyin bcu las/ /spyad nas sa dang kun 'od thob 'dod pa/ /tshi chad las ni bskal pa gsum du spyod/ /de yang kun byed nga yis lung phog min/ /longs spyod rdzogs
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po