rKTs

e-texts navigator

Volume

Page

51b₁ bzhin gzhan nas bsgrub mi dgos/ /chos nyid rang yin bsgom pa bya mi dgos/ /ma skyes pas na 'jig pa'i gnyen po med/ /gzhan la ma ltos bsgom gnas tshol mi byed/ /nga la gang zhig sgom par byed pa des/ /bsgoms pa nyid kyis nga dang
51b₂ phrad mi 'gyur/ /chos nyid mngon du phyung ba nga yin pas/ /sdug bsngal mi skye rnam par spang mi dgos/ /rang 'byung yin pas skye 'jig med pa'i phyir/ /ma rig rten 'brel dbang po dgag mi dgos/ /rang 'byung rnam dag chos nyid sbyang mi dgos/ /ye nas dag
51b₃ pas gtsang sbra bya mi dgos/ /ye nas lhun grub rtsol bsgrub bya mi dgos/ /bltas pas ma dag pa yi chos med de/ /de bzhin nyid dang rnam snang kun du bzang / /dbang po drug la snang ba'i chos rnams kyang / /ye nas de yin de las gzhan ma med/ /
51b₄ de la gang zhig bsgom dang sgrub byed pa/ /de ni mdongs pas nam mkha' snyeg pa 'dra/ /nga yi rang bzhin spyod yul kun las 'das/ /nga yis mngon du phyung ba'i chos rnams ni/ /nga yi ngo bo kun gyis mthong bya'i phyir/ /sna tshogs dbang po
51b₅ nga la bstan pa yin/ /de la nga yi rang bzhin kun rtogs shig /de la nga yi rang bzhin ma mthong na/ /kun byed nga yi theg pa bstan mi bya/ /rdzogs pa chen po'i don dang skal med pas/ /rgyu 'bras theg pa drang ba'i lung la gzung / /nga ni
51b₆ ye nas spyod yul 'das pa 'di/ /rgyu 'bras dga' ba'i skal ba med rnams la/ /bstan na sgro dang skur pa 'ong ba'i phyir/ /bstan na rang gi sems la skur btab pas/ /drug tu skye zhing gtan du 'khor bar 'khyam/ /kye sems dpa' chen
51b₇ po nga don rtogs/ /de ni spyod yul kun las 'das pa'i phyir/ /tshig gis mi phebs dbang po'i spyod yul 'das/ /nga yi rang bzhin bsdus te thig ler gnas/ /ma spros gnyis med ye nas gcig tu bstan/ /dam tshig bsrung ba'i
51b₈ bsgom pa bya mi dgos/ /phrin las btsal ba'i bsgom pa bya mi dgos/ /lam la mi bgrod sa la mi sbyongs te/ /rang las gzhan du chos nyid tshol mi byed/ /rang byung ye shes mi rtog g.yos pa med/ gzhan gyis lung min

_{iiif viewer powered by OpenSeadragon}

51a - 52a

Texts on this page