| e-texts navigator |
| བོད་ཡིག |
50b1 zin lta ba bsgom mi dgos/ /ye nas rnam dag dam tshig srung mi dgos/ /ye nas byang chub sa la kun gnas pas/ /rig 'dzin sa dang sa bcu sbyang mi dgos/ /ma btsal ye nas lhun gyis grub pa'i phyir/ /btsal ba'i phrin las ye nas
50b2 bya mi dgos/ /rang 'byung ye shes yul la mi rtog pas/ /rig pa'i ye shes yul gyis bsal mi dgos/ /bde chen chos sku sems kyis gcig pa'i phyir/ /snga phyi dus gsum med de khyad par gcig /phun sum tshogs dang dus gnas
50b3 kun gcig dang / /thams cad gcig phyir nga la kun rdzogs te/ /rdzogs pa chen po nga la kun rdzogs pas/ /lta spyod phrin las dam tshig sa lam ni/ /gong bshad bzhin du btsal zhing bsgrub mi dgos/ /de ltar ma rig rtsol
50b4 bsgrub byas 'gyur na/ /rgyu 'bras 'das pa'i don dang 'gal 'gyur nas/ /bya med bde chen de dang mi phrad de/ /rtsol sgrub nad kyis ma rig de zin 'gyur/ /de bas rgyu 'bras 'das pa'i rdzogs chen la/ /skal med rnams kyi spyod yul ma
50b5 yin pas/ /rgyu dang 'bras bu'i chos la spyad par bya/ /zhes gsungs so/ /byang chub kyi sems kun byed rgyal po las rdzogs chen skal med don med kyi le'u ste zhe bzhi pa'o// // de nas byang chub kyi sems kun byed rgyal pos
50b6 rdzogs pa chen po la lta ba bsgom med kyi mdo lung 'di bstan to/ /kye sems dpa' chen po/ /rang gi lta ba bsgom med ni/ /kun byed nga yin nga la bsgom du med/ /kun byed nga ni sgom pa'i yul ma yin/ /nga ni ma bcos
50b7 kun la rang bzhin gnas/ /rang bzhin gnas pa'i bsgom du med pa de/ /nga las byung ba'i ston pa sku gsum gyis/ /nga las mngon du phyung ba'i chos nyid la/ /brkam chags lnga yi sdug bsngal yin zer nas/ /ma
50b8 bcos mi 'jog brtul zhugs spong 'gegs bsgom/ /de lung bstan par ma bcos don dang 'gal/ /mu stegs sde bzhi sprul pa'i thugs rje yis/ /byin brlabs 'khor du bkod nas lung bstan pas/ /bya bral bde ba de nyid thob mi
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po