| e-texts navigator |
| བོད་ཡིག |
50a1 kye sems dpa' chen po khyod nyon cig /nga yi rang bzhin 'gyur med la/ /bsgoms na 'chos shing bsgyur ba yin/ /nga ni ye nas lhun grub la/ /bsgrubs na nga la bcos pa yin/ /nga la bgrod pas phyin pa med/ /nga la btsal bas
50a2 grub pa med/ /nga la sbyangs pas byang ba med/ /nga la ma lta yul med kyis/ /nga la ma bgrod lam med kyis/ /nga la ma sbyongs sgrib med kyis/ /mi gnas dmigs pa'i yul dang bral/ /spros med bsam pa'i yul las 'das/ /'dzin
50a3 pas brtags pa'i chos rnams ni/ /nga yi ngo bo bstan pa yin/ /de la spong 'gegs su byed pa/ /bskal pa gsum gyi bar du ni/ /kun byed nga dang phrad mi 'gyur/ /spang bar bya ba'i chos de ni/ /rang gi ngo bo yin par bshad/ /kye sems dpa'
50a4 chen po/ byang chub sems ni kun byed rgyal po ste/ /kun byed byang chub sems kyis byas pa ni/ /byang chub sems las gzhan du byas pa med/ /byang chub sems ni ye nas ma nor yin/ /ye nas yin pas ye nas nor ba med/ /nor ba
50a5 med pa'i bden brdzun sgros mi 'dogs/ /rgyu bden 'bras bu rtsol bsgrub kun las 'das/ /byas zin rtsol bsgrub 'das pa ma rig nas/ /rtsol bsgrub bya byed bsgoms nas grub lta na/ /byang chub gegs su de las che ba med/ /mi
50a6 gnas mi rtog cir yang dgongs med pas/ /mi rtog mnyam pa'i yul la rang bzhin gnas/ /ye nas byas zin rtsol ba'i sems mi 'byung / /bde chen de la gang su gnas pa ni/ /chos rnams kun gyi snying por de 'gyur ro/ /
50a7 de yis bdag gzhan kun gyi don mi byed/ /gcig 'dus thams cad 'dus pa'i snying po des/ /ma bltas dus gsum sangs rgyas thugs kyang gsal/ /ma bsgribs sems can kun gyi sems kyang snang / /kye sems
50a8 dpa' chen po nyon cig / kun byed nga yis sems can don byas zin/ /nga yi don byas gzhan gyis bya mi dgos/ /gzhan la ltos pa'i chos ni nga lung min/ /nga la kun rdzogs ye nas byas zin rdzogs/ /ye nas byas
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po