| e-texts navigator |
| བོད་ཡིག |
49b1 lnga la ni/ /gcig la 'ang lnga lnga nyi shu rtsa lnga spyod/ /rtsa lnga longs spyod de ni sku lnga yi tshul/ /tshul ni chos nyid don gyi ngo bo nyid du bshad/ /sangs rgyas sems can kun gyi longs spyod du/ /longs sku nga yi gzugs la spyad du med/ /rig
49b2 'dzin sa bcu rnams la nga yis bstan zhes gsungs so/ /kye sems dpa' chen po nyon cig /sprul sku bstan pa thugs rjes don 'tsham ste/ /khams gsum sems can bsam pa tha dad la/ /sku dang gsung dang thugs ni rnam gsum
49b3 gyis/ /bsam pa tha dad sku gsung thugs rjes bzlog /dbang po yul la zhen pa de bzlog nas/ /dben pa'i yul ni gang 'thad de bstan nas/ /des ni nga yi thugs rje 'dren lung byed/ /kye sems dpa' chen po nyon cig /nga ni chos
49b4 rnams kun gyi ston yin phyir/ /sangs rgyas la yang nga yi rang bzhin bstan/ /sems can la yang nga yi rang bzhin bstan/ /rang bzhin bstan pas ston par zhal gyis bzhes/ /nga yi rang bzhin 'di ltar rig par gyis/ /ston pa dang ni
49b5 bstan pa 'khor rnams ni/ /nga yi rang bzhin gsum las gzhan med de/ /ston pa rang 'byung ye shes 'gag med yin/ /bstan pa nga yi rang bzhin ma bcos yin/ /de 'dzin 'khor ni nga yi ngo bos 'dzin/ /ces gsungs so/ /byang
49b6 chub kyi sems kun byed rgyal po las ston par zhal gyis bzhes pa'i le'u ste zhe gsum pa'o/ / // de nas byang chub kyi sems kun byed rgyal pos nyid la bya ba med pa'i don 'di gsungs so/ /kye sems dpa' chen po/ bya ba med
49b7 pa'i don 'di ni/ /kun byed nga yi rang bzhin te/ /nga la bya ba med pa ni/ /nga ni ye nas byas zin pas/ /bya ba med pa'i chos nyid yin/ /chos nyid nga yi rang bzhin las/ /rang bzhin de la bya ru med/ /rang bzhin rang bzhin bya ba de/ /
49b8 bcos su med pa'i rang bzhin yin/ /bcos med byang chub de la ni/ /sems dpa' rdo rje khyod ma 'chos/ /sems dpa' rdo rje de 'chos na/ /kun byed nga la 'chos pa yin/ /ji ltar snang ba'i chos rnams kun/ /kun byed nga yi rang bzhin yin/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po