| e-texts navigator |
| བོད་ཡིག |
46b1 snying por bshad/ /nga ni kun las rgyal ba ste/ /sku gsum las kyang nga rgyal la/ /sangs rgyas gsum las nga rgyal lo/ /rig 'dzin byang chub sems dpa' dang / /khams gsum gnas pa'i sems can dang / /snang srid snod bcud thams cad
46b2 kun/ /byed pa nga yin kun las rgyal/ /kun byed byang chub sems nga yis/ /bstan pa kun gyi sngon rol du/ /byang chub sems kyi bstan pa bkod/ /byang chub sems kyi bstan pa 'di/ /kun gyis dgod par mi nus te/ /de yang ji ltar dgod ce na/ /
46b3 chos la bya ru med pa'i phyir/ /btsal pa med pa'i sgo nas 'jug /byang chub sems las med pa'i phyir/ /byang chub sems kyi chos nyid la/ /sems kyis bsgom du med pa'i phyir/ /lta ba bsgom du med pa bkod/ /gzung 'dzin 'das pa'i chos
46b4 nyid la/ /dam tshig bsrung du med pa dgod/ /ye nas lhun gyis grub pas na/ /phrin las btsal du med pa bkod/ /byang chub sems la kun gnas pas/ /sa la sbyang du med pa bkod/ /byang chub sems ni bgrod pa'i gnas/ /sems kyi
46b5 sa la bgrod med pas/ /lam la bgrod du med par bstan/ /chos nyid byang chub sems yin pas/ /chos nyid gzhan du lta mi byed/ /ye shes rang 'byung ye shes te/ /yul la rtog pa'i ye shes min/ /kun byed byang chub sems
46b6 nga ni/ /lta spyod kun las rgyal po dang / /byed pa'i snying po yin pa'i phyir/ /rgyal ba'i snying po zhes su bshad/ /ces gsungs so/ /byang chub kyi sems kun byed rgyal po las rgyal ba'i snying po'i le'u ste sum bcu rtsa dgu pa'o/ /
46b7 de nas byang chub kyi sems kun byed rgyal po des byang chub kyi sems nyid kyi rang bzhin bstan pa 'di gsungs so/ /kye sems dpa' chen po nyon cig /bdag gi bstan pa 'di bkod pas/ /dus gsum sangs rgyas thams cad dang / /rig 'dzin
46b8 byang chub sems dpa' dang / /khams gsum sems can thams cad kun/ /rtsol dang sgrub pa ma byas par/ /ye nas sangs rgyas lung bstan pas/ /'khor gyi ston pa rnam gsum gyi/ /rtsol sgrub byed pa'i brtan pa gsum/ /gol sa
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po