| e-texts navigator |
| བོད་ཡིག |
38b1 rdo rje sems dpas mtshon du med/ /ngo mtshar rmad byung rol pa 'di/ /bya bral nam mkha' bzhin du gnas/ /cir yang mi dmigs gti mug las/ /de ma thag tu rang las byung / /'di ni thams cad mtshungs pa'i lam/ /
38b2 'gro ba kun gyi rang bzhin gnas/ /bus pas bslad pas 'khrul pa'i phyir/ /sman nyid sman pa tshol ba bzhin/ /go ba'i yul na bde ba che/ /'di ni rnam dag 'jig rten yin/ /de la phyogs kyi 'od 'dus pas/ /phyogs
38b3 bzhi mtshams dang bla 'og 'grub/ /ma nges 'ja' tshon kha dog las/ /rigs kyi khyad par mngon par snang / /de bzhin g.yo rdul mi g.yo ba/ /'byung ba lnga bas gtso chen yin/ /'das dang ma 'ongs da ltar gyi/ /tha snyad
38b4 ming la mi gnas te/ /skye 'gag med par rnam brtags shing / /de nyid dus gsum chen por sbyor/ /mnyam pas rim par bkod pa med/ /gcig pas phyogs bcu bsngo dang bral/ /tshogs kyi rgyan rnams bkram
38b5 pa yang / /rang bzhin gnas pas 'grim pa med/ /lhun gyis gnas pas mi bsngo zhing / /gdod nas dag pas bdud rtsi yin/ /'du mched bcu gnyis khyad par du/ /lhag pa'i bsam pas bzung ba med/ /yid
38b6 kyis bsam pas yon gdag ste/ /bltas pas tshogs ni bkram pa'o/ /mthong bar gyur pas dngos grub la/ /de nyid mnyam bzhag rdzogs pa'o/ /yud tsam bzung bas sbyor ba yin/ /dga' bar gyur pas dam
38b7 tshig ste/ /thabs kyis gar thabs bskyod pa yis/ /gnyis med sbyor ba phul ba yin/ /mi bzung gtong bas gtor ma yin/ /bya ba med pa'i las rnams te/ /mi rtog ye shes bgegs bsal nas/ /
38b8 ma gsung mnyam bzhag sngags tshig go / bla ma mchod dang gtong ba dang / /de bzhin bsod nams thams cad kyang / /ma chags mi g.yo'i stobs med na/ /byas na 'ching ba chen por 'gyur/ /de bas de
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po