| e-texts navigator |
| བོད་ཡིག |
33b1 grub pa'i mtha' spyod pa/ /rtsod bral lung las gol zhes 'khrul pa yin/ /bya bral lhun rdzogs bde ba'i lhun la gnas/ /ye shes rang 'byung che ba'i snying po nyid/ /mi g.yo mi 'gyur bsnyad pa kun dang bral/ /
33b2 zin pa'i bdud rtsis rtsol ba'i sdug bsngal 'joms/ /bya bral zin pa'i yul la ji bzhin gnas/ /kye sems dpa' chen po nyon cig /chos rnams thams cad thig le chen po'i rang bzhin yin pas na/ /spros pa
33b3 med cing bsdus pa med/ /skye ba med cing 'gag pa med/ /'gog pa med par de bzhin gnas/ /rnam par mi rtog snying po 'di/ /nam mkha' bzhin du ye gnas pas/ /rtog pa'i smra bsam yul las
33b4 'das/ shes gsungs so/ /byang chub kyi sems kun byed rgyal po las bya med rdzogs pa bsgom du med pa'i le'u ste rtsa drug pa'o// // de nas byang chub kyi sems kun byed rgyal po des nyid kyi gdam ngag phog pa dang
33b5 'thun pa'i lung chen po rim gyis bstan te/ kye sems dpa' chen po nyon cig /chos rnams thams cad nga las byung ba na/ /ji ltar snang ba'i chos rnams thams cad kun/ /ye nas rnam dag dbyings kyi lung
33b6 du bstan/ /phyi dang nang kun ye nas chos kyi dbyings/ /ye nas rnam par dag pa'i spyod yul la/ /sangs rgyas dang ni sems can gnyis su med/ /lam dang gnyen pos bcos su ga la yod/ /bsgrub med rtsal sprugs
33b7 smon pa med pas na/ /bya med lhun rdzogs snga ma de nyid don/ /rtog spyod rnam dag gnyis med chos dbyings la/ /log rtog byis pa'i spyod pas ci zhig bslus/ /gnyis med bde chen sems can kun spyod la/ /
33b8 'khrul pas nor pa'i lam du brtags pa yang / /gong du bstan pa'i lam chen de la mi gnyis pas/ /mnyam par shes pas sangs rgyas kun gyi rje/ /nga dang bdag tu rtog pa mu stegs 'khrul pa'i lam/ /
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po