| e-texts navigator |
| བོད་ཡིག |
29a1 rgyu 'bras 'das pas spyod yul kun las 'das/ /kun las 'das pa'i chos nyid byang chub sems/ /byang chub sems ni kun gyi snying po yin/ /snying po yin pas yid ches khungs kyang bstan/ /
29a2 byang chub sems ni chos kun rtsa ba ste/ /rtsa ba yin pas thams cad don yang 'dus/ /byang chub sems ni khyad par kun las 'phags/ /khyad par 'phags pas theg pa'i shan yang 'byed/ /byang chub sems rtogs
29a3 chos nyid kun sangs rgyas/ /des na skal ldan dgos ched bstan pa yin/ /sems kyi rang bzhin tshig tu brjod med de/ /ma brjod sems kyi rang bzhin mi snang bas/ /mi snang mtshon du med ces ma brjod na/ /kun
29a4 kyang rang sems ma mthong rtsol sgrub byed/ /des na brjod med tshig gi don yang bshad/ /des na gtan tshigs don gyi bshad lugs lngas/ /kun byed rgyal po byang chub sems kyi don/ /ma nor nges par gtan la 'bebs
29a5 par byed/ /rgyu 'bras med par gtan la phab pa yin/ /thams cad byang chub sems yin yid kyang ches/ /byang chub sems yin ye nas yid ches pas/ /sems la btsal ba med par yid kyang ches/ /btsal du
29a6 ye nas med par yid ches pas/ /mi rtsol bde ba chen po ngang la gnas/ /kun byed nga yi rang bzhin de ltar gnas/ /kun byed nga la sangs rgyas gzhan med do/ /zhes gsungs so/ /byang chub kyi sems kun byed rgyal
29a7 po las gtan tshigs bshad lugs kyi le'u ste nyi shu rtsa gcig pa'o/ / // de nas byang chub kyi sems kun byed rgyal po des sems rnal du gzhag pa'i phyir bya med rdzogs pa'i lung khungs chen po 'di gsungs so/ /kye sems
29a8 dpa' chen po rdo rje khyod nyon cig / kye bya med yul ni mi gnas nam mkha' 'dra/ /mi gnas dmigs pa'i yul med mi rtog chos kyi lam/ /bsngo ba'i cha shas phra mo'i yul la byung ba ste/ /rtog bsgom chos kyi
iiif viewer powered by OpenSeadragon
Texts on this page
J746 - chos thams cad rdzogs pa chen po byang chub kyi sems kun byed rgyal po